يا اول احلامي العذبه وتاليهـا

[فيصل القثامي]

الســلام عليكم ..



الشعر وسيلة تعبيـر أو فلسفـة مشاعر أيـّـا كانت فلا أظن تحتاج القصايد إلى مقدمات

فلذا .. نبدى بها لـ أشباع رغبة من يطلب الجديد



بسم الله ..

قال شطّب على اللي بيننا كلّـه = ليـن تفقـد محبتنـا معانيهـا
قلت مال الخليل إلا هوى خلّـه = يا اول احلامي العذبه وتاليهـا
الغلا لا نـزل فالقلـب يحتلّـه = والمودّه مهي فـإيدين راعيهـا
كان جاك السؤال اللي معك حلّه = صفحة الحب وش خلاّك تطويها
ارحم اللي همومه منك منصلّـه = ذاق مر الليالي لجـل حاليهـا
آه واقلبي اللي مـا بـرد غلّـه = كل نبضه تنادي بـأسم غاليها
وكل طاري يهز القلـب ويتلّـه = يرمي الفكر لـأيامي وماضيها
وكل ماجاتني من صوبك الزلّه = من غـلاك آتقبّلهـا واعدّيهـا
وكل ماتطلبه ياصلك في حلّـه = حاضر ٍ في مطاليبـك ولبّيهـا
انعش القلب في لاماك واقبلّـه = لين تبرى الجروح اللي يعانيها
لا يجي طاري الفرقى وتشتلّـه = يبعد الله ساعتها .. وطاريهـا
انت مثل الطبيب يداوي العلّـه = علّة القلب ما غيـرك يداويهـا
مدّني بـالمواصل والجفا خلّـه = واعتبرني امانه واحتفـظ فيهـا
والله إن احفظك يشهد عليّ الله = مثل حفظ الكرامه عند راعيهـا

اتمنى انها اعجبتكم ..

على لحن .. ( الله يرحم فهد ويعز عبدالله ) ..


كل الود

فيصل القثامي

التوقيع

[مؤمن]

صح لسانك اخوي فيصل القثامي




ولاهنت والله يعطيك العافية





لك كل الحب والمودة

[العارف]

صح لسانك يافيصل القثامي

وكل ماتطلبه ياصلك في حلّه حاضر ٍ في مطاليبك ولبّيها






لاهنت قصيدة جزلة من رجل جزل

تقديري لك

[كاتب صحفي]

لاوالله اعجبتنا وشكراا قصيده مافي مثالها
شكرر

[سهم العضيان]

صح السانك يافيصل
قصيده جزله من رجل جزل
تقبل التحيه اخوك سهم العضيان

[راعي المراجل]

فيصل القثامي

وكل طاري يهز القلب ويتلّه=يرمي الفكر لأيامي وماضيها
وكل ماجاتني من صوبك الزلّه=من غلاك آتقبّلها واعدّيها

صح لسانك

[مرزوق حمدان العتيبي]

...
.
صح لسانك يافيصل بصراحه ابداع
واول مره ادري انك شاعر ماشاء الله تبارك الله ..
...
في انتظار رائعه اخرى ..
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[خلف بن مرزوق]

..
.

مبدع يافيصل هنا وهناك


تخوض مجال الشعر لتعلن احتكارك للابداع


دمت للاثراء

التوقيع

اهداء لاعضاء وزوار الهيلا 777 77 7 ديوان الشاعرالعملاق / رشيد الزلامي ديوان الشاعر الكبير / حبيّب العازمي al3azmi@w.cn

[فيصل القثامي]

....

حياااااااكم الله يالربع

ولاهنتو على المرور والكلام الرائع


وابشروا باللي يسركم من تصميم من قصيد

ان شاء الله

القثــامي

[فيصل المسعودي]

السمي


رائعه بدون اي مجاملة


صح لسانك


وفي انتظار جديدك يالغالي


تقبل تحياتي