 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
|
|
أدوات الموضوع | انواع عرض الموضوع |
|
|
|
|
|
|
07-Aug-2006, 05:46 PM
|
رقم المشاركة : 1 | |||||
|
ملاحم عتيبه العظيمه (ارجوا التثبيت)
هاذي ملاحم عتيبه العظيمه ونتمنى ان تحوز على رضاكم ولا تقصرون في الردود
ملحمه القبيله الشعريه للشاعر :- حشـر بـن متـروك المقاطـي راكب اللي يوم يلعـب علـى كبدالحمـاد= مثل صقر يوم يلعـب علـى كبدالهبـوب من وكالة فـرت والكـل تصميـم البـلاد= مشترينـه ماحسبنـا لغالـب ومغـلـوب لرتكـز بيـن المحاديـب وهـاج الفـواد= قلـت هاتولـي مفاتـيـح بــرَّاداللهوب يآصل اللي نزلهم من ثلـوم طويـق غـاد= منه لا وادي الرمه وأستند واجنب جنوب لابـةٍ للـي يباهـم مداهلـهـم جــداد= والبيوت كبار والنـار للناصـي جـذوب لابـةٍ يـاوي لابـه ليـا عـدا الـعـداد= لابةٍ تسعد بها العين عـن هـم الكـذوب لابتـي عتبـان مافيـه شـك ولا ارتـداد= لابتي هاله تهايل علـى نطـح الوجـوب من فعايلهـم يفـادون فـي يـوم العنـاد= تفرح الفاطر بمركاض عطبين الضـروب والفعـول الباقيـه مـال طيبهـا عــداد= وافـيٍ ميزانـا مـع موازيـن الشعـوب يوم نجد من الجهل حـط راحـان وزبـاد= والتبس من غالي اللبس باجمل كل ثـوب وامتشط بين العشاشيق من كـاد ورشـاد= والقماري فـي قواريـه غنـة باللعـوب وقحطان أجموع دونـه يشنـون الطـراد= والدواسر والمطاري وشمـر والحـروب والبقوم اللي ليـا ولـع الحـرب بكـداد= حضرة الغيَّاب منهم تسـد عـن الغيـوب والسباعي مدلـه الجـار حمَّـاي السنـاد= عزوةٍ من ناوشـه حربهـا يمكـن يتـوب غير من لسميت في نجد من حضر وبواد= كل قـومٍٍ حقهـا ماننقـص لـه وجـوب ان حدر معهـم ضعنـا وأجدانـا الجهـاد= لين اخذنا قسمنا بين غاصـب ومغصـوب قسمنا في نجـد مدهـال مقرعـة التـواد= قسمنـا يـوم القبايـل تداحـم بالجنـوب امتلكنـا العقلـه اللـي نواعرهـا عيـاد= بين ضلعان البشاره وضلعـان الهضـوب وامتلكنـا الأروسـه والهميجـه والبجـاد= والطويلـه والدفينـه وعبـاب وسحـوب وامتلكنا في شمال الهضـاب ام الجـراد= الرشاويـه وعرجـا وفاحـان الصبـوب وامتلكنا بيـن طخفـه وسفـوه والطـراد= كم قليبٍ شوف هاذيـك ميـاح الغـروب حدنـا منـا ومـنـا نعـرفـه بالـوكـاد= من سواج ليا حبيـه وتشريـق وغـروب شرقه العارض وغربه ورى الطايف قصاد= موطنٍ تورثه الاجـداد للـي فالصلـوب ندفع البل فالمرابيـع فـي هـاك الوهـاد= والمشارب نقضةالجزو باعيـن الجـذوب والحـدود الهـا قطيـع معـزن بالمقـاد= والجنب معها على الخل والحارب يلـوب ترتع الوضحى ام الأدلال قوس ولا تـراد= وانحماها من مقانيـص طمَّـاع ولعـوب لختلـط عـج السبايـا ولمـاع الهـنـاد= من يطب السوق معنـا نمنيـه الهـروب لابتـي عتبـان مافيـه شـك ولاارتـداد= لابتي هاله تهايل علـى نطـح الوجـوب ملحمه القبيله للشاعر الكبير :- شقير الجذع الروقي العتيبي مشهاتهم هرمـوع غـرب القـراره= وخشم العريق وصفو واقصاه وادناه وادن مسيلـه تحتـديـه الـزبـاره= وادن غدير الضرس مـارد رعايـاه هـذاك شـف متيهيـن الـحـواره= لاصـار بالشبـرم مربـه ومربـاه لا بكر الوسمـي ولجلـج خضـاره= ياهجر حين مامشـى فيـه هجـراه ما كف طخفـه وستندبـه ايسـاره= وللهضبه اللي رسهـا ينكـري مـاه رسن ليـا حطيـت مـاه بغضـاره= خطرن على اللي مادرى عنه يكفـاه وياصل ضواحي كشب وادنى سماره= وعدن لعل مـروح المـزن ياطـاه حد السهل مـن نايفـات الحجـاره= لـو انتحانـا بالخـطـا مانسيـنـاه حتيش لو عشنـا بجـو الحضـاره= قلوبنـا بأمـلاك الاجـداد مشـقـاه مدهـال ربعـن يشعمـون المنـاره= لطامـة العايـل نهـار المـلاقـاه عـدٍ قـراح وعـدٍ همجـن بيـاره= الله يـرحـم سربـتـن ورثـونـاه قبيلـةٍ يعـرف بهـا العـد كــاره= الاسـم بيـن والقبـايـل مسـمـاه يكتبنـا التاريـخ بأسمـه عـبـاره= مشددتنا جـردة الركـو عـن مـاه جمعـن علينـا ودهـم بانتـصـاره وعن حدنا وقت المواقـف حدينـاه باللـي عباريـده تقـادح شــراره= لوقعت في صامل العظـم تشضـاه ندحم به الاجنـاب جبـر وجـداره= والعد حـده مـن اعدانـا احتمينـاه لا لا المشايـخ نزلـة والامــاره= وحطو حدوده من ورى حد مضمـاه سقوى ليا عج النفـل فـي حجـاره= وتعاقبت خضـر المسايـل بقفعـاه فالبـرد ولا فـي ليالـي الحـراره= يازيـن مقياضـه ويازيـن مشتـاه تصبح وتمسى فـي وبرهـا غيـاره= حمى الشعاف وكـل شـي جربنـاه وليا نويـت مـن الشفـا بانحـداره= اطمن على عردان وانـزل حـوالاه واخذو لها يـم اسفـوات افتـراره= وردو سجا وانزل جنوبن لمضمـاه في جاضع المشقوق بايمـن مطـاره= وخل الدبش عبلة خسـاران مفـلاه يومن علـى البـره يومـن يسـاره= على الينوفي وشربوا كرع خبـراه تراه مـن نجـد المسمـى خيـاره= يازين سجـات القـدم فيـه زينـاه دارن تقول هضابها نصـب شـاره= يصفق عليها النود من كـل مجهـاه بيض العبال اللـي هواهـا طهـاره= لـروح نسيمـه هايـم القلـب داواه ماكفـه الصاقـب لحـد الفـقـاره= من لاربا فيه الدبـش ليـش يجنـاه خسارتـن جنيـه وتبعـه خسـاره= لو كل نفسـن فـي وطنهـا مشقـاه وكلن على فكـره يقـول اختيـاره= ولو خيرونـي غيرهـا دار مبغـاه من ابرق ابن حميد والعلـم اشـاره= للحمـي ولبـة النـيـر واغـثـاه وايضا من الماء الحي شعر ومفاره= مـن الجثـوم للرقـاش وهبـايـاه سنـام نجـد اللـي يسمـى فقـاره= كم شيخ قومن جاء يبـاه وطردنـاه لو يلحقـون القـوم غـاره بغـاره= كلـن نسوقـه ليـن نقلـع نحايـاه يشهد به الانصـر وحِبـل ومـداره= ومعتق وعرجا والبر اللـي رفعنـاه وطلال يوم ان الجـو ثـور غبـاره= قامت مضاوي طيب الخـال تنخـاه سقنـا عليهـم سوقتـن بانتصـاره= ومنا جموع القـوم كثـرت رزايـاه يومن صحايف نجـد تعلـن خبـاره= وقـال شليويـح العطـاوي بمعنـاه ألاد روق اللـي تهـوش بجـبـاره= تشهد لهم ضلعـان نجـد المسمـاه ويوم غلثـه واللـي بجـو النمـاره= ويوم الرحا ووضاخ تشهـد ركايـاه ويشهد شدا باللي وقع فـي جـواره= عد اربعـه قـال المخـازن معبـاه في ماقعـن يـم التناضـب ديـاره= من الوسيق اللـي خـذوه استعدنـاه والمجمعه وسـواج يشهـد نهـاره= والحفر والعصـلا علـى مسمعنـاه وادن يحـد مهايـفـات الصـبـاره= ورضوان واللي مايلاتن فـي يايـاه وسود الجبال اللي شمالـن ستـاره= تشهد بفعلـن نسمعـه مـا لحقنـاه ويم رغبه شرقي جنوب الخضـاره= من ضرب ابن هندي زبون المخلاه تسعيـن لحيـة خليـت فالمـعـاره= يوم العوينـد ادوع الـدار باسمـاه صارت لهم روس المناعيـر شـاره= في نجد لين انه مـن القـوم صفـاه شيخن ليا شبوا هل الحـرب نـاره= يشب نارن تحتمـي اللـي حـوالاه وهذال اخو هملا زبـون الخسـاره= وشبيب والهيضل وناصر وشـرواه وابا العلا خيـال شـورن صغـاره= نبت الحيا لو هو ورى القوم ترعـاه وخزام والجامـع رجـال الوقـاره= من ضربهم حـد السلايـل مـرواه ريف الشجيع اللـي جـواده تبـارا لجالهـم عنـد التـوالـي مـنـاداه لابـد اللـي ضاريـن بالسـبـاره= في راس مرقابـن طويلـن معـداه وشاف الجموع ولافي كبده حـراره= ونادى لجمعن فـي وعـده يتحـراه قبـل الطمايـع كبـدوه الخـسـاره= برقا علـى كبـده يحطـون عرقـاه وفي نجد يومـن مجنتـن عصـاره= كم شيخ قومـن منـه بيتـه شلعنـاه ماهيـب بالحيـلات ولا بـصـاره= وضح النقا المجرود محدن غدرنـاه مسلط ليا قالوا هـل الخيـل غـاره= شيخن تعشي حايـم الطيـر يمنـاه وزريب يوم الـدار شـدد حصـاره= رد البرا واللي حمـى نجـد جـلاه والضيط يوم الجمع جالـه كـراره= وابن محيـا اللـي تـورخ سجايـاه يكفى كلام اللي حضر فـي نهـاره= برغش بدع قافن من الشعـر غنـاه عن شبرهم تقصر طـوال الشبـاره= ويفرح بهـم شونـن عقيـده تقفـاه وبخيـت وشليويـح نمـر النمـاره= مورخـن فعلـه قصيـده وشلـفـاه وقشعان والشغـار وخـوان سـاره= فكاكـة التالـي نـهـار المـثـاراه والحفر تشهـد للزلامـي حـراره= وتشهد عليه النايفـه مـن حجايـاه خلا جمـوع القـوم تكثـر فـراره= ومن مات منهم ذيب زبنـه تعشـاه واللـي طريحـه مايضـم الجبـاره= ابو خشيـم اللـي كبـارن وهايـاه وليا اعتزوا والراي طـول حـواره= فاجـر فناجيـل الـعـدا ماتـعـداه وشليل لين جاء اللي يبـا رد ثـاره= يفرح به اللي حزة الضيـق ينخـاه وليـا لبـس خيـال قومـن وزاره= لأبو سنـون وللوبـا صيـن مـدلاه غير الظفـر للهوش فيهـم شطـاره= ونعمن ليا وصل العدد تـوم وحفـاه يكفى من الفعل الكثيـر اختصـاره= واللي بقافه ذيب ابا الفوس وصـاه واثنين فيهـم مـع ظفرهـم نعـاره= ليا جاء نهارن يوصل العلم قصيـاه ابن زيد والعصاي والعلـم اشـاره= فرّيس نمـرن ماتعـرف المجاجـاه قلته وقـول الصـج مافيـه عـاره= والكذب عيب ومن بغا الكذب يلقـاه والهرج يكفى عن طويلـه قصـاره= والقاف شـاب وفعلهـم ماحصينـاه ألاد روق اهل العطـف والامـاره= مافيـه نقبـل صلـح ولا مسـاواه كم بارقـن جانـا وحصـل دمـاره= وتزهبت شهـب الحنـادي جثايـاه وكم بارقن جانـا وحصـل دمـاره= وبرقا خذو خيلـه ساقـوا مطايـاه وكم بارقن جانـا وحصـل دمـاره= وكم بارقـن منـا عليهـم نشرنـاه في ماقفن كن الرصـاص انفجـاره= رعـاد وسمٍـي تقافـت عشـايـاه بالسيـف واللـي ماتغيـر عـيـاره= يامـا قتـل منـا ويـمـا قتلـنـاه يامـا شربنـا فيـه حلـو ومـراره= خضنا المعارك فيه ليـن امتلاكنـاه ربعن على الطاله تسـوق البشـاره= حنا عتيبـه نوصـل العلـم منهـاه في سلمنا ما يلحـق الجـار بـاره= يدلـه بجانبنـا وينـسـى دنـايـاه ماقـط باتـوا ماتعشـوا صـغـاره= ولا قط جاله لازمـن مـا قضينـاه ما يشتكي ورعـه خطانـا وعـاره= وخطـاه لـو انـه ثقيـل احتملنـاه يبقى رفيع الراس في ضف جـاره= وليا رحـل ممـا نحوشـه عطينـاه ولدخيلنـا فـي سلمنـا واعتـبـاره= عـامٍ وشهريـن عليهـم فرضنـاه ايضـا وقابـل للـزيـاده قــراره= وما تسامـح طالـب الديـن زدنـاه لو حاولـوا ديانتـه فـي حصـاره= لا لجـا بوجيهنـا ماحـدن جــاه وليـا حمسنـا البـن زدنـا بهـاره= مع مرحبا للضيـف لـو معرفنـاه نعطيه ماجـوب الكـرم والزيـاره= ونجعله الحايل من البل ثمـن شـاه ما ناخذ السلـم الشريـف استعـاره= سلمـن لهلنـا الاولـيـن ورثـنـاه ولا ننظـر العالـم بعيـن احتقـاره= وليـا بلينـا رب موسـى طلبـنـاه وليـا نوتنـا غزوتـن بانكـسـاره= كم غزو قومن فالملاقـى كسرنـاه البني من ساسـه عـزازة جـداره= برقا وروق وكـل ماقـف ذكرنـاه يامـا رمـوا لمجوعـات الجحـاره= من راس شيخن تورد السيف يمنـاه ليا دق حـراب المعـادي انطـاره= تصبـح قلايعهـم مهـارن مـغـذاه غير السطل والحوش فيهـم مهـاره= روقي وبرقاوي بنـي عـم وعّـزاه اللـي يواعدنـا نــزوره بــداره= يصبح عليه الجمـع تـردم سرايـاه جمعن على فـك التوالـي شعـاره= حنا عتيبـه وأزيـن الـدار اخذنـاه فيهـا نزلنـا وانتشرنـا انتـشـاره= والعد لو ان جوه مخيفـن وردنـاه علـى مواردهـا مسكنـا خـفـاره= جمعن يصبحنـا وجمعـن هجدنـاه ملحـق قبايـل نجـد فيهـا عيـاره= لكن اعـد الموقـف اللـي وقفنـاه اعلونا بالحجـز واقصـى حـراره= وشرقينا العـارض بغربـي قرايـاه مثناة نجـد اللـي تصاهـل مهـاره= زحنـا قبايـل نجـد عنـه ونزلنـاه ما ملكنـا بلهـا سلـف واستعـاره= بالسيـف اخذناهـا وشلفـن محنـاه مضرابهـا زرنــح مــع ازراره= منها طويـل الامـن تدنـي منايـاه عنهـا نفـد القـوم فـد النـمـاره= لين اصبحت مثل الجزور المجـزاه وكلـن بقسمـه قـام يبـدع بيـاره= والحكم غيم وما دخـل فيـه غطـاه ضفى عليـه الصيرمـي الستـاره= عبدالعزيز اللي عسى الخلد مـاواه وفيه حكم بالشرع واصـدر قـراره= وغيم الجهل نور الشريعـه تجـلاه ملحمه القبيله للشاعر الكبير :- كديميس العصيمي البرقاوي العتيبي سر يالقلم ننقـض كـلام المحاميـن لصـارت الدعـوه حمايـا حمانـا نقض الحجج لابد له مـن براهيـن ومعنـا شهـادة الـوفـا لدعـانـا ومن مدنا بالصاع نجـزاه صاعيـن واللـي ياعادينـا عليـه اعتـدانـا كان الحميـدي وازمـلاه متصافيـن على الحكي فيما مـا تقـدم حكانـا تلحقـوا غـارات نـاسٍ قديمـيـن واخطوا وحنا من خطاهـم خطانـا ودام الشريعه تاخـذ العيـن بالعيـن حنا مـا تقضـي الشريعـه قضانـا حنـا بميـزان المعـانـي ثقيلـيـن وعلـى مماشينـا بعـيـدٍ مـدانـا هيهات لو حولت عكـس الموازيـن قضا القضا فيمـا مضـى وانتهانـا ياحرب لو حطيتـم البيـت نصفيـن ماهـوب موصلكـم ليـا مستوانـا انتـم رجـال بالمعـارك غثيثـيـن لكن مـا تلحـق اخطاكـم اخطانـا حنـا عتيبـه ملحقيـن المخلـيـن بعنـا بسـوق الطايـلات وشرانـا قومٍ على صولات الايـام ضاريـن لو عضنا نـاب الدهـر مـا قوانـا يهابنـا الطمـاع لـو قلبـه اذهيـن نبطـش محـلات الطمـع لاغزانـا لنـا سلـوم غالـيـات المثامـيـن سلومنـا محـدن حملهـا سـوانـا في سلم لوماء الوجه عام وشهريـن وابخيلنـا مامـون داخـل حمـانـا ثلاثمايـة يــوم تــزداد ستـيـن تنحـا المنايـا عنـه هيبـة لحانـا ومن حده الموت الحمـر والدياييـن تخير الحصـن الحصيـن ونصانـا وبالحين نملى فارغـات الموازيـن جيب الصحون ومكرمات الصيانـا للضيـف والجيـران والمستحقيـن إليا مـن وهـاب العطايـا عطانـا ابيوتنـا للضيـف مثـل البساتـيـن يفرح بـه الملهـوف ليلـة ضوانـا نجـود بالماجـود بالعسـر والليـن وضحك الحجاج وما حلا من نبانـا حنا على حفظ المواجيب حرّصيـن مانعطـي الطرقـي قراطيـع مانـا والجار لـه واجـب وحنـا وفييـن ندعيـه للكرمـه ولـو مـا دعانـا جيرانـا دايـم حشـام وعزيزييـن وندرا شرفهم عـن كـلام اسفهانـا حنا بوجـه الجـار دايـم جديديـن يزيـد مـع زايـده اثنينـه وفـانـا وان جاء نهار المعمعه واللغا الشين نبيع غـلا الـروح دون اقصرانـا وان راح نشـدق قفـاه بسكاكـيـن نحمي مجاله عقـب عنـه انتحانـا وخوينا لو هو مـن اللـي معاديـن يأمـن بنـا فـي كـل درب مشانـا ليا عودة عشر اكثر النـاس ثنتيـن وصاروا بغرات الخـوي عقربانـا ولصرنا مع الخوي بدرب متخاويـن نرعى الحقـوق ولانخـون خويانـا وحنا منازلنـا ورا حضـن ويميـن هاذيـك ديرتـنـا فيـهـا نشـانـا وجينا نبا المربـاع عنـد القحاطيـن يـوم الزمـان بحـد سيفـه حدانـا وقالوا لنا ما تاسـع الـدار شيخيـن ونجد العذيه تحـت فيـت عصانـا وتشاوروا طلقين الآريـا الحكيميـن احدٍ ومـر بالحـرب واحـدٍ نهانـا واحتار من يختـار بيـن الأمرّيـن امـا الدهـر ولا سيـوف اقبلانـا وتقـرر المحـدار بالخـط والقيـن نمـراً فأولهـا يـرفـرف لـوانـا وندري مـا قدامنـا مزرعـة تيـن لكن علـى روس الافاعـي وطانـا زحنا قبايل نجد عـن نجـد قسميـن وجينـا بمثنـات الـبـلاد وبنـانـا ابيوتنـا كالقـور بيـن الحديثـيـن وعلى السنام مـن البـلاد استوانـا وأعداينـا مـا هـم عنـا براضيـن لكـن هابونـا جمـيـع احـددانـا لشبت الهيجـا بصـوت المثاريـن صديق عينـك مايجـي فـي نحانـا وليا ركبنـا فـوق مثـل الشياهيـن تكـره صناديـد القبـايـل لقـانـا عاداتنـا نخلـي سـروج المسنيـن وأول مـوردت السهـوم اومرانـا ليا اقبلوا من الخيل قـدم المغيريـن وليا اقبلـوا صـاروا حمـاه لقفانـا حمّـايـة السـاقـات فالمقـلـيـن باموالهـم يرفـون فقـر فقـرانـا وليا جاء الامر بين القبيلـة حلييـن حلـوا مشاكلنـا وحـازوا رضانـا وان جاء الامر دولي زحول وميامين عند الـدول فالمعضـلات اسفرانـا ومن كان ذا شانـه يشيـل الثقيليـن لو مات حي فـي قلـوب حربانـا لو مات قالوا حرب ذا فيه روحيـن يمكن قحص من وسط قبره وجانـا وبعض أُمراكـم فالملاهـي مغنيـن علـى الوتـر والعـود دانـا لدانـا مـر مغنـيـن ومــر مساجـيـن وظهورهـم مـيـدان للخيـزرانـا متخلفـيـن ينقـلـون العـنـاويـن وركن التعارف سجلـوا لـه ديانـا ولو سمعوا لعـذال يقـول غاديـن قالـوا نمـوت ولانبيـع اخدنـانـا الفرق واضح لاتقولـون متساويـن ومصـادر التاريـخ منهـا ارتوانـا اذا ازعلكم التاريخ نكـون راضيـن يصبح زعلكم شعبـةٍ مـن رضانـا ومناخ عرجا كان عنـه متغاضيـن حنـا لتـاريـخ القبـايـل قـرانـا قبيلتـيـن لحربـنـا مستـعـديـن وحنا ليـا زلـزل رعدهـم رسانـا وطبان وصنيتـان شفقـوا شرهيـن وحنـا قبـل يبـدون فينـا بـدانـا وبعد منـاخٍ دام خمسـة وعشريـن احدٍ سرى بالليـل واحـدٍ احترانـا واللي قعد سوى سوات ام ظرفيـن ويقـول لـو إنـا درانـا سـرانـا يقـول خلونـا بعرجـا وحيـديـن ياليـت هاديهـم كـذلـك هـدانـا دون المعقـل كافحـوا مستميتـيـن لكـن فـي هـم بالمهنـد سطـانـا وخفوا وهفوا وادبـروا مستخيفيـن وحنـا لمـا تملـك ايديهـم حوانـا اللي حضر من حرب باتوا ذليليـن واللي ربض عن لابتـه وش علانـا اللي هرب واللي لجى مستجيريـن واللي جضعناهـم وراحـوا عشانـا واميرهـم ينخـى بتالـي المقفيـن ويـقـول رده لاتخـلـوا نسـانـا وعقب ما شاف انه كسير الجناحيـن ألقى السلاح وصار ضمـن أمنعانـا وبيته جلسنا فيـه بيـن الصلاتيـن وعلـى اشـداده باليسـار اتكـانـا وكشف قمرهم وسجـدوا مستغيثيـن وطبـوا مـن السلـم وحنـا رقانـا صارت عليكم مثل نكبـة فلسطيـن مـن نـار قـال الحمـدلله نجـانـا وابن نحيت حجاب بيـن المثاريـن ثـارت عليـه بمعتلجهـن رحـانـا ينخى بني سالم وهـم عنـه مقفيـن وخاب الرجا فيهـم وعـود نخانـا وجسمه تشارك فيه شلفا ورمحيـن وشلناه وسقان نحيـت فـي دوانـا وحزّن على ربعه وربعـه حزينيـن عليه يوم انـه ألتـوى فـي ذرانـا والحرمليـه كونـهـا يالمساجـيـن منتـم فـي هـاك النهـار اقبلانـا لكـن قابلنـا صعـوط المجانـيـن الضيغمـي جمـع علينـا عـدانـا رخم الجموع اللي تسوق الملاييـن وانتـم عدتـوا فزعتـه ياحلفـانـا نفـذ علـى كـل القبايـل قوانيـن وانتم خضعتوا لـه وحنـا عصانـا هدر جمل شمـر وقلتـوا مطيعيـن ويوم إن حنيتوا للامر مـا انحنانـا لنا عزايـم تفـدح الخصـم وتهيـن طنا الطنايـا مانقـص مـن طانانـا حصل لنا صـولات وايـام وسنيـن نسقيـه بالسـم الذحـاح وسقـانـا وكم راس شيخ طاح بيـن الفريقيـن نحط مـن فـوق اذبحـاه اذبحانـا وأنكف عقب ماشاف في جلده البيـن هـو مأيسـن منـا وحنـا اكتفانـا وممكن قضيتوا من بعض دينكم دين وحنا عقـب عـدة ليالـي اقتضانـا وعبدالعزيز اللي رفع رايـة الديـن اللـي ليـا خـم النشيـط يتـوانـا اللي تخاضع له رقـاب الفراعيـن مـن هيبتـه كـلٍ يريـد الأمـانـا بالسيف صارعناه وسـط المياديـن وانتـم تخامرتـوا سـوات السمنـا ماعمرنا نذعـن لحكـم السلاطيـن ألا بيـومٍ ينتصـر بــه حـدانـا انتم كما شغل الهنـوف ام وجهيـن اللي لها مـع كـل عاشـق ضمانـا توعـد ولا توفـي بوعـد المحبيـن ودايـم تشبـرق للجديـد وتـدانـا ليا شفتوا الحاكم نهضتـوا خفيفيـن وقلتـوا ترانـا ياسنـدنـا تـرانـا اسمع كلام الضيغمي وافهمه زيـن فالحربي اللي نـار عنـه ونصانـا منتـم بذمـه والحميـري مخيفيـن من حرب نار والتقـوا مـن ورانـا ماجالهم من حـرب فـزاع ومعيـن كـلٍ يقـول مـن الضياغـم بلانـا وحنـا حميناهـم بحـدب العرانيـن وشالـت حمولـن ضاهدتـم ايدانـا وعن مانقوله حرب سمعوا داريـن ميـرٍ فيهـم مـن يحـب المشانـا وان كان غـاوٍ البنيـدر وابوعيـن الشرق الاوسط معتـرف ماغوانـا اخبارنا قد هـزت الهنـد والصيـن ولا همنا الهيس العور لـو هجانـا ولو كان فالاعلام ضمـن المذيعيـن البـاع قاصـر والطويـل اللسانـا عن الدعايـة يـا الحميـدي غنييـن افعالنـا تشهـد عليـهـا اعـدانـا وقـولٍ نقولـه ثابـتٍ بالـدواويـن وتاريـخ نجـد المعتمـد مانسـانـا ايـام عرجـا قـد عطتنـا نياشيـن وفي ايام معتـق يشهـدون اعتقانـا العفـو عنـد المقـدره للكريمـيـن وحنـا ليـا منـا قـدرنـا عفـانـا وكان الحميدي جاء مطيـة شياطيـن لـو يشعبونـه مـا لحـق منتهانـا وان كان له خمـة رخـومٍ ملبيـن حنا عن انصار الحميدي مـا درانـا هـذا كـلام يفّـحـم المستحقـيـن وعاداتنـا نقطـع لسـان طّلبـانـا |
|||||
|
|
|
|
|
|
|
|
|
|
07-Aug-2006, 05:54 PM
|
رقم المشاركة : 3 | |||||
|
مشكور سهم العضيان
على النقل الطيب لملاحم القبيله الكبيره والعظيمه فعلاً يستحق التثبيت والتنسيق تحياتي |
|||||
|
|
|
|
|
|
|
|
|
|
|
07-Aug-2006, 06:07 PM
|
رقم المشاركة : 4 | |||||
|
تشكر ياذيب واتمنى ان يكون اول موضوع لي يتثبت
تقبل تحياتي |
|||||
|
|
|
|
|
|
|
|
|
|
|
07-Aug-2006, 06:07 PM
|
رقم المشاركة : 5 | |||||
|
تشكر يافيصل واتمنى التثبيت
تقبل تحياتي |
|||||
|
|
|
|
|
|
|
|
|
|
|
07-Aug-2006, 06:15 PM
|
رقم المشاركة : 6 | |||||||
|
...
. سهم العضيان عاجزين عن شكرك. والتثبيت يستحقه هالموضوع بجداره . ... اخوك . ....
|
|||||||
|
|
|
|
|
|
|
|
|
|
|
07-Aug-2006, 10:04 PM
|
رقم المشاركة : 8 | |||||
|
مرزووق يا مشرفنا تشكر على المرور والتثبيت
وتقبل تحياتي يا كابتن تقبل تحياتي |
|||||
|
|
|
|
|
|
|
|
|
|
|
08-Aug-2006, 10:23 AM
|
رقم المشاركة : 9 | |||||||
|
تشكر يا سهم العضيان
ماقصرت يعطيك العافية على مجهودك
|
|||||||
|
|
|
|
|
|
|
|
|
|
|
08-Aug-2006, 11:38 AM
|
رقم المشاركة : 10 | |||||||
|
سهم العضيان
الله يعطيك العافيه على الملحمة الرائعة
|
|||||||
|
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض المتطور
