الجدايل خلفها مثـل ديجـور الظـلام***ضافيات وللـردوف النوابـي حولـت

[محمد البدراني]

السلام عليكم ورحمة الله وبركاته

الاعزاء بمنتدى الهيلا...
يشرفني أن احد الاعضاء ويشرفني المشاركه معكم بهذه القصيده.

استوقفتني قصيدةقديمة وهي للشاعر عويض العتيبي .تحركت لها أحاسيسي وجاريتها بقصيده ...

	هذه هي قصيدة الشاعر عويض سفر النفيعي : لي ثمان أسنين تايب عن دروب الغرام=والعشيه شفت مهرة خفوقي وجمحت مهـرةٍ ماتنثنـي للعـنـان وللـجـام=تسذير من الهواء يالشقـاوي وجفلـت غاليه ومحشمه عنـد اهلهـا ماتظـام=تذبح العشـاق برموشهـا لاسلهمـت ياالشقاوي شفتها يـوم مـرت بالمنـام=ليت قلبي في سباته وعيني ماصحـت ليت ربي حقق الحلم مع بـدر التمـام=ويستريح الخافق اللي همومه نوخـت كان راحت يالشقاوي على الدنيا السلام=ماتهم اسنين عمري عسـى مامهلـت بلغ الوافي مع الشيخ لايلحـق مـلام=قدمي النواح مطلق ذلولـه درهمـت غر منها واطلق رسنها وقت العسـام=ثم راحت عقبها لاحنيـن ولاارزمـت ماجـداه الاالتوجـد وطاويـه الهيـام=لين روحه سلمت للولي واستسلمـت

.
.

.

	وهاذي مجاراتي له لليال الماضيه شدنـي عـذب الكـلام=المشاعر مرهفه والضماير هجرسـت والقوافي جالها وسط صدري إحتـدام=والقريحه بالبحور الغزيرات إسبحـت الغـلا بقلوبنـا قـد بنينـا لـه خيـام=والذيابه في خفـوق الهواويـه عـوت شفت قيفانن لها جرني سلـك الغـرام=وإذكرت عيني ديار الحبايب ودمعـت وإذكرت من مشيها مثل مشيآ للحمـام=في مطار القاهره يوم قدامـي مشـت من بنات المملكه حيهـا وحـي اللثـام=والعباه اللي على جسمها الباقي ضفت اجمعتنا الطايره بالسمـا فـوق الغمـام=وبرض جده حولت بالمـدرج ونزلـت الجدايل خلفها مثـل ديجـور الظـلام=ضافيات وللـردوف النوابـي حولـت خصرها ملهوف ماتقل تاكـل للطعـام=والخدود ابروق مزنن تعاقب لابرقـت العيون مكحله والخشـم سلـة حسـام=والنهود بصدرها تو زمـت واستـوت قلت اببـدا هرجتـي بالتحيـه السـلام=((والجمل ماضرها كان قالوا مالقحت)) وجيتها وضح النقا والفشق ملي الحزام=خابرن يمناي تعطب عـدوي لارمـت مير شفت ان البلد سايده حكـم النظـام=والخلايق كلها تحت هالحكم اخضعـت ولا بغيت انزل الراس وارضى بالحرام=بالدروب العوج ماظن رجلي قد مشت ثم قصبت رشاي من بعد ماركب المقام=واللهايب ولعت في ضلوعي ماطفـت ياوجودي وجد من طاح في يوم الزحام=يوم شلفا الخصم فجت ضلوعه وطلعت طاح ماحوله سند لاخـوال ولا عمـام=وإلتفت لنياقه اللي بها القـوم اشلعـت يعتزي مـن قـو باسـه ووده بالمقـام=وكل ماشد العضود إنحنت به وارتخت مابغيت اكشف خوافن بصدري للأنـام=مير قيفـان العتيبـي بجاشـي ولعـت شاعرآ متربعآ دوم فـي عـال السنـام=من حرارآ للجبال الطويلات اشهـرت يالحشيم اقبـل تحيـة محمـد بالختـام=شاعرآ جـارا بيوتـن لبابـه مانصـت والهوا مابه سلامات ملعـون الرسـام=كم زحولن قبلنا مـن سبايبـه إشتكـت