تساهل الكيف الحمر يا ابن وايل قصه وقصيده

[ابـن نـعـيـس]

تستاهل الكيف الحمر يا ابن وايل *&* انت الذي تستاهل الكيـف كلـه

هذه قصيده للشاعر محمد الذويبي من بني عمرو والذي يلقب على ما أظن
(أباالروس أو ابو راسين)....و مناسبة القصيده انه كان ابن رشيد أمير حائل مشهور
بالكرم وله مجلس ويجتمع لديه جمع من الناس مابين أمراء ووجهاءالقبايل وكذلك الشعراء ....
وكان مجلس ابن رشيد كأي مجلس من مجالس الشيوخ والأمراء تدار فيه القهوه العربية ...
وهناك أشخاص مكلفون باعداد القهوه وترتيب الدلال .
وفي يوم من الأيام كان في ضيافة ابن رشيد ( علوش بن ظويهر العنزي ) وعلوش هذا عنده خبرة
ومعرفة دقيقة بالقهوه ، ويعرف وش عيوبها من مجرد الشم اوالذوق ويعرف القهوة
هي برية والا مهيب برية ، ويعرف حمستها هي محترقة والا نية ، ويعرف اذا هجرت الدلال
ويعرف طعم القهوة إذا تغيرت بأي شيء.
ويوم طلب ابن رشيد القهوه للمجلس جوا اللي يصبون القهوة وصبوا فنجال للأمير وبدو بالضيوف ....
ويوم عطوا علوش الفنجال ... وجاء بيشرب شف منه شوي وتبين أن في القهوة شي ، ومتغير طعمها بسببه .....نزل الفنجال وكبه زي ماتقول بدون قصد .
ابن رشيد انتبه لعلوش : وسأله ليه ياعلوش كبيت الفنجال قهوتنا بها شي ؟
قال : ابدفي أول الأمر ... ولزم عليه الأمير ... وقال : لازم تقول وش في القهوة ليه ما شربتها ....
قال : يالامير القهوة ( صايدة ) ... يعني طايح فيها شي من الحشرات .....
قال : وش هي صايدة ؟ قال علوش : صايدة ابو عوف.
ابن رشيد : سأل : اللي حوله ... يالربع انت متطعمين في القهوة شيء .....
قالوا : ابد ما القهوه شيء....
المهم علوش : قال اذا ما صارت القهوة صايدة .. لكم اللي تبون ....
قال الامير : نادوا راعي القهوة .... نادوا ( راعي المعاميل والقهوة ) جاء راع القهوه....
قال ابن رشيد : يقول علوش ان القهوة صايدة .... ونبيك تجيب الخمرة نشوف هذا صادق والا لا ..... والخمرة ( الدلة الكبيرة اللي تلقم فيها القهوة ) .
جابوا الخمرة وحطوا شوي ليف وكبوا عليه ( حثل القهوة) علشان ينشخل واخذوا يحركونها
الين لقوا ابو عوف ..... انبهر ابن رشيد وقال لراعي الضيافة خل علوش يقعد عندنا عشرة ايام .....
صار علوش يقعد في صدر المجلس ....وابن رشيد ناوي يختبره ويتاكد من معرفته .....
قال لراعي القهوة .... اذا جاء باكر المغرب حط ورقة ( عرفـج ) في القهوة
( في الدلة اللي تصب منها لعلوش ) ....
ويوم صبوا القهوة قال ابن رشيد ترى الدلال منظفينها عقب ابو عوف تطعم بها شيء اليوم ....
قال : قهوتكم بها ريحة عرفج .
ويوم جاء باكر حطوا : كسرة مسواك .... وعرفها ..... وكل ما حطوا شي عرفة ....
قال ابن رشيد لراعي القهوة : باكر اخلط ( حمسة مستوية وحمسة نية ) ...
وصبوا لعلوش .... قال : هاه ياعلوش تطعم بها شيء ....
قال : ايه : فيها حمسة محترقة وحمسة نية ....
عرف ابن رشيد ان الرجال داهية وخبير في القهوه ولزم عليه يجي لابن رشيد كل شهر ....
وقال محمد الذويبي هذه القصيده يمدح فيها ابن ظويهر العنزي..

تساهل الكيف الحمر يا ابن وايل=انت الذي تستاهل الكيف كله
ياللي نقدته وسط ديوان حايل=لولاك يا علوش ما حدن فطن له
بدلال من يقعد صغى كل عايل=الضيغم مريف الايدين المذله
الضيغم مرزى المهار الاصايل=ياما انقطع في ساقته من سجله
يا بن ظويهر ما بها قول قايل=تستاهل الفنجال لا جاء محله
يا ناقد الفاقد بحكم الدلايل=ياريف هجن والمزاهب مزله
ربعك بني وايل مزاز القبايل=اهلا الجموع الراسيه والمظله
زبن الدخيل اللي توطاه طايل=الجمع دونه والرمك مردفله

وسلامتكم

التوقيع

[روقي الجمش]

السلام عليكم ورحمة الله وبركاته

أخي بن نعيس

تسلم على النقل الموفق والأختيار الأكثر من رائع واستمتعنا بهذه القصص والتي تدل على تراث العرب قديماً وهي متوارثة بين الأجيال ومحفوظة . وفعلاً القهو ة منقدة وهي تعتبر كيف بحد ذاته وكان العربي يعتز بقهوته ويقدمها لضيفة وحتى لو قدم أكبر الولائم فهي الأساس والمتعارف عليه في أول شيء تقدمه لضيف .
وأنا قرأت القصة والقصيدة كاملة ولكن ما عرفت بن العوف ويش من الحشرات ؟
وتوقعت أن يكون ( الشبث )؟ أرجو توضيح ذلك إذا كان مخالف لما توقعت ؟

لك مني كل الحب والتقدير .

والســــــلام ،،،

تقبــــــــلوا تحيــــــات / روقي الجمش .

[ابـن نـعـيـس]

روقي الجمش


وعليكم السلام ورحمه الله وبركاته


الله يسلمك من كل شر


اينعم حسب ما اعرف واسمع ان ابو عوف كما يسمونه اهل الشمال هو الشبث


ومشكوووور على تواصلك الدائم والرائع



تحياااااااااااااااااااااااااااااااااتي

[صلاح القثامي]

السلام عليكم ورحمة الله وبركاته
يابن نعيس
قصة رائعة وقصيدة أروع
مشكور وماقصرت
ولاهنت تقبل خالص تحياتي
أخوكم صلاح القثامي

[سهم العضيان]

تشكر يابن نعيس قصيده رائعه وكذالك القصه
ولاهنت وسلمت يمناك يالقرم
تقبل تحياتي

[ابـن نـعـيـس]

صلاح القثامي


وعليكم السلام ورحمه الله وبركاته


الروعه تكمن في مرووورك يالغالي


تحياااااااااااااااااااااااااااااااتي

[ابـن نـعـيـس]

سهم العضيان


الله يسلمك


مروووووورك نور الصفحه



تحيااااااااااااااااااااااااااااااااتي

[النايع]

مشكور يا بن نعيس
وهالقصة لها شهرة
الله يعطيك العافية

[ابـن نـعـيـس]

النايع


الله يعافيك


ومشكوووور على تواصلك



تحيااااااااااااااااااااااااااااااااااااتي

[عالي مقامه]

مشكور يابن نعيس على الموضوع