عبوسٍ قمطرير

[مقعد الدغيلبي]

من فيض مااااكنه هجوسٍ مارده بحراً غزير=غبة بحر ومواجها يصفق يمينه بيسره
تسعين قامه طولها وأتحير أفكار البصير=فيها لبيب المعرفه يحتار فكره وبصره
والحمد لله واشكره مالي عوين ولاخشير =ربي عطانيها وأحمد الله عليها واشكره
منها أستمد القوه اللي حدها حد الشطير=سيفٍ يشيل السم بطنه والمنايا بظهره
يامفردات الشعر غوصي وسبحي بحر الضمير=وسترسلي من قوةٍ داخل محيطه وبحره
حسبي على منهو حداني واعترظلي فالمسير=شيطان أبن شيطان زيره كل ليله ينقره
ياللي على المقفي رحاتك بالنمايم تستدير=عطني نهايتها معك واللي سواتك نستره
هاذي ثلاث سنين ساكت عن علومك ياحقير= أمحشمين الكلب من حشمة هله وانقدره
لآكنها طالت ووصلت للكبير وللصغير= واليوم من فوق الصفاء نوخ بعيرك واهجره
نوخ بعيرك والرغى مكروه من بعد الهدير=كمٍ غشيمٍ وقعت شلفاه في عرض نحره
قدام لاتصبح على راسك عبوسٍ قمطرير=درب السلامه من بغى درب السلامه يعبره
هاذي رساله رمزها ماهوب مجهول المصير=تاصل بريدك والمعاني والحروف مشفره
وليا قريت حروفها راجع ظميرك واستشير= العقل مابينه وبين الجن ياكود شعره
وان عدتها والله لتونسها على الظلع القصير=وان كان ماني قدها قولوا ترى مقعد مره

التوقيع