الاليامل عين

[ابوجراح]

الايامل عينن ماهجعت يوم العباداهجوع =يزايمها السهر يوم الكرى عيا يطابقها
ليا هيض من التذكارماضيها تهل ادموع=دموعن من جفونن جاير الازمان حارقها
ولاهو من ظما تبكي ولاهو من سبايب جوع=مقاديرن بصحف اللوح مكتوبن ترافقها
ولاهو من سبب بعدن ولاهو من رحيل انجوع=بلاها وسط نون العين مبطن مايفارقها
يصور في نظرها منظرن للناظرين يروع=كماحشرالخلايق يوم تحشر عندخالقها
وكما ردم الجموع لجيش تكسر صفوف اجموع=جموعن لااقبلت يم الوغى رزت بيارقها
وطيب الطيبين وجودهم وسط الحشا مزروع=مواريثن من ارجالن على الطاله تسابقها
رجالن لاعلا عج السبايا يلبسون ادروع=وكلن مرخصن روحه لحوض الموت سايقها
تهاتيه الظما تترك وبراق الحيا متبوع=يشدون العرب للديره اللي ناض بارقها
ولكن كيف يرحل من ظماه بداخله مطبوع=ونفسه لوتبى ترحل هواجيسه تلاحقها
وتعلم لو تنادي ماللندا يم العرب مسموع=وهو ياكيف يسمع والندا في وسط خافقها
ونينن خافين دونه عظام من الجسد واظلوع=ونفسه كيف ترحل كيف تظهر من معالقها
لياضاق الصدر هم وكدر كبدي تقوم اتهوع=كما كبدن على غفله ذحاح السم زارقها
قضى ربي وانا راضي وطايعله بكل اخضوع=ونفس العبد يعلم ربها باللي يوافقها
فسبحان الذي من هيبته كلن اتى له طوع=ملايكة السما وغرب الاراضي مع مشارقها
وصلاة الله عداد اللي سجود وبالصلاه اركوع=على محمد شفيع الخلق هاديها وصادقها

نوح صقر سعد الجداعي العطاوي
وذكرت اسمي لرغبة الاخوه الاعزاء لذلك ......عشان مايزعلون ولايجي في خطرهم شي

واعذرونا على القصوووووووووووور