يحق لك تدعين حورية الحور

[خيال وفارس]

يحق لك تدعين حورية الحور= ويحق له تفرح ليا سرتي القاع
يحق لك يطفى ليا جيتي النور= لو ما يطففى كان من شرقتك ماع
جيدك فنار وقذلتك ظلمة ابحور= وخدك نهار وبسمتك ضيق مرباع
بوكيه ورد مغلفينك ببلور= وجوري منققى منظره قمة ابداع
فزتي بتاج الزين قرعه بلا زور= كل الخليقه صوتوا لك با الاجماع
غريبه انك بنتن لتسعة اشهور= وانتي فريدة شكل واوصاف وانواع
في لفتتك ريمن مذير ومذعور= يفز من ظله مجففل ومرتاع
وفي نظرتك حرن شلع شقة النور= تخشى منه طير الحبارى ليا فاع
ياعزوتي كل الحلى فيك منثور= والملح والقبله وزينات الاطباع
من مات باسبابك من الخلق معذور= ومن راف به طرفك لاوامرك ينصاع
ومن شاهدك ياقف على الدرب مسمور= ما يحترك مشدود للهم جراع
زايغ بصر من واجهه قال ما جور= على شبابه قبل ما يهتني ضاع
ما يبرم الكلمه معللق ومقهور= ما ينفعه نخوه ولا صوت فزاع
يا منيتي وش بك علي جايره جور= روفي بحال اللي من الوجد ملتاع

احمد الجريفاني

[ابـن نـعـيـس]

صح لسانك ولسان شاعرها



يعطيك العافيه


تحياااااااااااااااااااااااااااااااتي

التوقيع