تأبى الكلمات إلا أن تشارك فرحة ونشوة بمناسبة ترقية
الأمير / منصور بن محمد بن سعد بن عبد الرحمن
يا منبــع الطـيب ..والنـــوماس.. والشيمه=والعــــرف..والمعــــروف.. اللــي تــحلابه
قصيــدةٍ ما تجـــــي بــك.. مالــها قــــيمه=ما ترتـقــي لمستـــوى الــــذوق ومــعابه
فيــك القصــيد.. يزيـــن قـــوله وتنظيـــمه=مثــل الــدرر.. ينســــاق للـــي تغـنابه
تنســل كنــه اللــول .. مثلــه بتصـمـــيمه=وسمــا بــك المعــنى.. وزانـت بــك الجابه
كريــم.. وراع الكــــــرم.. حــــق تكـــــريمه=ولا ينكــر المعــــــروف.. إلا نـــذل وزلابه
أعلــى (المـــراتب).. تعشـق الطـيب وتهيمه=ومثـلك ما ترقيــه (المـراتب) هـي ترقابه
(منصور بن محمد) يا صعب وصفه وتقييمه=أصغـر فعـولك فــوق كل هالناس تسمابه
اسمــك تقاسمــته مـع الــذيب تقــــسيمه=وشبعت طيب يوم الذيب يشبع بمخلابه
لك فـزعةٍ في وصفــها.. كنـــها الغــــيمه=تحــل بيبـــاس الأرض.. وتــروي تـــرابه
ولا هــي غريبـــه منك.. لا بالله مـــديمه=مـن أسرةٍ.. تخلــق علـى المــجد ومـهابه
حـويت كل الطـــيب.. بأعلــى مفاهيمه=يا طــــيب الجـــدين.. والمجـــد تحـضابه
منـك ابتسامة طــيب للـي شـكا ضيمه=وينسى عجـاج الوقــت لا عفــر.. أشنابه
ويضحي يعــدد فيك للمجد كــم قيمه=وإلى نســي فيتــمم العـــــد... شيابه
جـزاع.. فـــزاع.. لاحلت من دون تحطيمه=قاطـوع.. باتــوع مثــل السيــف بجـرابه
« آخـــر الـــمـــشـــاركــــات »
25-Jun-2006, 11:07 PM
قصيدة قلتها في سمو الأمير / منصور بن محمد بن سعد بن عبدالرحمن / حينما ترقى وهو يستحق
العرض الشجري