مرحبا بـــك يا القصــايد والحــــروف=في مـــديح الطيب ما احدٍ ملـها
والظــروف اليوم مـا هــيب الظــروف=جــا الصحاري غيم خـير وعـــلها
في قدومــك سيدي فـرحـــــت أُلــوف=القلـوب اللــــي لولاكم مـن لها؟
يا حفيـــد اللــي يقــودون الصفـــوف=ليــن طهــر نجــــد من محتلها
ذاك رجــلٍ نعــــم واللـــه ومعــروف=يابـــس كبــود الخــــلايق بــلها
ما وقــف لاجــل الخطـــابه قال سوف=ســــل سيف وكل عســـره حلها
والبلــــد نادى على احبابه شغوف=وغنت طيـــور الخـــلا بغصنٍ لها
ولـج باسمـه نجــد مع رفحـا وجوف=والجنوب اخضــر ربيعــه فـــلها
وأهل جـده والاحســا تضـرب دفوف=تحتفـــل في فــرحةٍ تحصـــل لـها
وكل عاصي صـار هــادي ومعسوف=طــوع اعصـــاة البشـــر وإعتلها
ثم تلاه (سعود) يشبــــه له وصوف=فــاردٍ يمنـــى الكــــرم ما غلها
كم طاف بنجــد من شــان الظروف =وكم مـــده مـــن يدينـــه كلها؟
ثم جـا (الفيصل) على الطبع ورؤوف=محنــكٍ بالــراي يحــرز حــلها
قــاد داره دون كلْ ودون خــــوف=ليـن خـــلا الغافـــله تفطن لها
ثم (خالد) يكمل الدرب بلا نكوف=وكل ما ثقلــت حمــــوله شـلها
في دروب المجــد له بصمــة وقوف =ما نسى طـيب الفعول إسجلها
وايضا (الفهد) إله العهد سمعاً وشوف=ولـــه مـواقف مع البشــر وتجلها
ما نسينا كـــويت (جـــابر) و الحلوف=ولا نسينا كـــــيف حـــرر غلــــها
ولـ(ابو متعب)فعــــل بين ومعروف=يا مــلاذ اللــي تصيح بـمــن لـها؟
يا نصــــيرٍ لليتامـــى والضــــعوف=ساكـــن قلـــوب الخلايــــــق كلها
وأنت لك يا سيدي ترفــــع كــفوف=بعطرهــا الـــكادي ونفحــــة فُلها
بالسلامه تعود دايم و محفوف =دعـــوة لاهــــل الغـــــلا في حلها
« آخـــر الـــمـــشـــاركــــات »
مرحبا بك يا القصايد والحروف
العرض الشجري