اصبر تشوف الطير فوق القواري - الهيـــــــــــــلا *** منتدى قبيلة عتيبة

@المورقي@ · 19-Apr-2006, 05:36 PM

هذه قصيدة للامير الراحل الشيخ جابر الأحمد رحمه الله

وهي رد لقصيدة للشاعر مرشد البذال:

ويقول فيها ...

يا بو مبارك ما طرى لك طواري *** تحيي الرسوم الاوله بالمظاهير
يا شيخ لاتنسى هذيك المساري ** يومك تصلي الصبح فوق من الصير

والقصيدة أطول من ذلك.

ورد عليه سمو الامير رحمه الله يقول:

قولك تراه اليوم صاير وجاري ** الله يذكر ذيك الايام بالخير
يا ما سرينا يم ذيك الخباري ** مجهامنا كل يوم مثل النواطير
ما نعرف التنتات هي واللواري ** لهن دوي يشبهن الزنابير
نمر بالريضان خضر قفاري ** زاه عشبها مع فياض مزاهير
لامن طلع مختار عقب المساري ** في موقع ما فيه جرة مظاهير
لاهد صوب الروض وسط النهاري ** غمر وصفف يا حسين التصاوير
واليا نزل عينه تشعشع بناري ** تشوفهم جنب الذواري مخامير
مثل الملك جالس وحوله جواري ** والله ما صخي به بخيشة دنانير
ما همنا برد ولاهوب ذاري ** يوم ان للمقناص بالنفس تاثير
واليوم كل واحد يصيد العفاري ** وصارت جميع الناس كلها صقاقير
اصبر تشوف الطير فوق القواري ** مطلعه راعيه مع سكة الجير

وسلامتكم

ولكم خالص تحياتي