ابسري مع السارين واستعجل المسرا==على مسراك خذني لك الله ياساري
على ضو القمر نمشي من الديره الغبرا==افارق ديار موحشه واتبع دياري
نشد الركايب دامها ليلة قمرا==ولاني بندمانن ولو طال مشواري
لو ان البكا ينفع توجدت بالعبرا==وخليت دمعي ينهمل مثل الامطاري
شعيب من الحره من العين له مجرا==ويفيض شعيب مرير من دمعي الجاري
لاشك الليالي درسها ينكتب يقرا==تعلم دروس الوقت واقراه ياقاري
الا ياوجودي وجد مسموم مايبرا==بسم ذعاف ولاحد بحالته داري
غصونه نديه ناعمه مورقه خضرا==تردت حياته وانشوى الغصن بالناري
والا يالمداري مايفيدك ولو تدرا==عليك الليالي سهما صاطي ضاري
الاواعناي من الدهر مابقا صبرا==من الصبر ماباقي ولو ربع مقداري
تمشيني الدنيا على الشوك والجمرا==مسير بهالدنيا ولاني بمختاري
« آخـــر الـــمـــشـــاركــــات »
15-Apr-2006, 12:47 AM
على ضو القمر نمشي0000000000000جديد
العرض الشجري