ياطول ليلٍ نعيش بوسـط ديجـوره =وعيوننا اللي نشوف بهـا يغمغمهـا
لاهين ساليـن والاحـوال مستـوره =نوخر الرجـل والاخـرى نقدمهـا
قلـوب عدوانـا بالحقـد معمـوره=وقلوبنـا صافـي النيـه تلازمهـا
ياكم وكم مرروا بالصوت والصوره=تمشي ووحده من العشرين نفهمهـا
واليوم خيـر البرايـا حرفـوا دوره=واستهزو بسيد السـادات واكرمهـا
يكرم نبي الهدى اللي عمنـا نـوره=عن صورةٍ زمرة الشيطان ترسمهـا
شفيعنا يوم كـل الخلـق محشـوره=محشوم يارمزنا والرسـل خاتمهـا
محبتـك يارسـول الله محـفـوره=بقلوبنـا مالهـا نــدٍ يزاحمـهـا
وامتك عن نصرتك ماهي بمعـذوره =والوقفه الصادقـه بانـت معالمهـا
رداً على المجرم اللي مد حنجـوره=الموت والنار جعلـه مـن غنايمهـا
حنا اتفقنـا وكـلٍ سجـل حظـوره=السلعـه الدينماركـيـه نحرمـهـا
خل الخواجه مع بقرته ومـع ثـوره =وكلابه اللـي تشمـه ويتشمشمهـا
حيثه يشابه لها فـي كامـل أمـوره=بهيمـةٍ ماتميـز مــن بهايمـهـا
حفر لنـا حفـرة تقـول ماصـوره =ومن شين حضه وشينه طاح في فمها
والله ليبطي وهو ماطابـت حـروره=وبضاعته كاسـده محـدٍ يساومهـا
امة محمـد بقـو العـزم مشهـوره=وفي حزة المعضله يظهر تلاحمهـا
وقفاتها من عظيم الشـان منصـوره =جيوشها الشعـب والقـاده تزعمهـا
ياسبق الشعر حبي خشم اخو نـوره=وحبي يمينه عسـى ربـي يسلمهـا
العاهل اللي عليه البيـض منشـوره=طوال الالسن عن الاسـلام يلجمهـا
أمر بسحب السفير وجا على شـوره=وامة محمد علـى الطالـه تقدمهـا
وبليس مدحور واللي معه مدحـوره =بعد التبجـح تبـي تبـرد عزايمهـا
ضـــــاوي الـعـصـيـمـي
« آخـــر الـــمـــشـــاركــــات »
14-Apr-2006, 10:00 PM
أضف مشاركة لأي شاعر تختاره
العرض الشجري