انت السراااااب اللي ذبحني بريقه

[الهوك..........]

	الوقت يجبرني اجازف بفرقاك = ولا فراقك غصب عني مطيقه حاولت أثبت مركبي عند مرساك = وأبعد عن امواج البحور الغريقه قبل الغرق قمت اتشبث بدنياك= قبل الضياع ابحث عن اية طريقه وكان البحر والريح وجموع الاسماك = ضدي وجرت مركبي للمضيقه حتى انجبرت اترك سواحلك واجفاك = واعلـن بدون مقدمات الحقـيـقه اني قبل ما ارحل تعلقت بشفاك = واخذت من صافي ثمرها رحيقه وانا رحلت ودمع عيني تحداك = وطيور وصلك مسرعاتً طليقه ووقفت اروي ناظري من محياك = مثل القصور النايفات العريقه وقدرت امثل موقفي عند ممشاك = وكشفتني قبل الفراق بدقيقه والدمعه اللي شفتها عند مسراك = جرحً نضمه للجروح العتيقه بعد رحيلك ياترى وين ابلقاك = والميت اليامات من يستفيقه انت الوحيد اللي تمنيت لاماك = وانت السراب اللي ذبحني بريقه وانت البلاوي كلها من سواياك = لك ذكرياتً في فؤادي عميقه شفت طايراتك دمرات كل الافلاك = خلت مطاراتي وشعبي حريقه هدت حصوني واربكت جيشي اربك = وانا اعتبرها طايراتً صديقه والقايد الاعلى لجيشي تحاشاك = وراحت جنودي قدم جيشيك سليقه اخذه وحطه واحدً من رعاياك= واحكم بما نصت عليه الوثيقه جتك القوافي مثل ليلً تغشاك= ويوم اللقا كلً يساند فريقه