قصيدة نايف بن عرويل في قيادة المرأة!!!!!

[عتيبي النجدي]

اخوااني أبناء الهيلا ها أنا أطل عليكم بعد طووول غياب بسبب مشاغل الحياة ة وبين يدي قصيدة كنت أضن في البداية أنها للشاعر خالد المريخي بسبب كثرة الكلام عنها وانتشارها باسمه عن طريق البلوتوث ولكن في الحقيقة أنها للشاعر نايف بن عرويل العتيبي وهي رداً على آل زلفه بشأن قيادة المرأه وقد قمت بالبحث عن اسم نايف بن عرويل في منتدى الهيلا فتفاجأت بعدم ورود نتائج للبحث لذا أضع بين أيديكم هذه القصيده التي تعد من روائع الشعر وأتمنى من الأعضاء القاء الضوء على هذا الشاعر وإبراز بطاقته الشخصيه وإليكم القصيده:

تخيلـوا لـو الحريـم بيسـوقـن *** ونلقالهن في كل شـارع طرايـف

تلقا العجايـز فالشـوارع يـدورن *** وسيارة الاسعاف ترقـب حتايـف

وليـا تأخرنـا دقايـق يصيـحـن *** ثم اركبن فـوق المواتـر ولايـف

وقامت تكبسلـك بالانـوار ياهـن *** بين اخوياك وصرت محرج وخايف

وتخيلـوا لـو ذات يومـاً يمـرن *** عليك دوريـات والجمـس طايـف

ويوم اطرحوه يصير موقفك محزن *** تلقا العجـوز مكلبشـه ياحسايـف

وتلقا البني في كـل جلسـه يتكـن *** طقة بلوت ومعهن الكيـف كايـف

هذي تبا تحكم وهـذي تبـا تصـن *** والبيت ضايع دون طبخ وغرايـف

ياللي ذنوبك فـوق راسـك يحنـن *** اللـي فقلبـك طلعتـه الشفـايـف

انظارنا من فوق فكـرك يشوحـن *** ونشوف شـيٍ ماتشوفـه ياهايـف

حق المره! ياشيخ تلعب على من؟ *** خبلان حنا! والا ويش انت شايـف ؟

وين انت عن صوت الارامل ينوحن *** وين انت عن حق المره فالوظايف

وين انت عن جملة بناتٍ يضيعـن *** وين انت ياراع العلـوم النصايـف

لوهي بيديكـم كـان قلتـوا يغنـن *** لكن صدمتـوا فالجبـال النوايـف

من دونهـن حنـا وفقلوبنـا هـن *** الطاهـرات الساجـدات العفاايـف

والمسئله لاصـار لحقـة شرفهـن *** يروح فيها يـا آل زلفـه طوايـف

هذا كلامي واسمعه زيـن واذعـن *** قلته ولانـي مـن تواليـه خايـف

قلته واباقف وارفع الصوت واعلـن *** ارادة الامـه علـى لسـان نايـف

ماهـو تخلـف لارفضنـا يسوقـن *** راس التخلف لاتركنـا العطايـف



نايف بن عرويل العتيبي