هذا نصيحـة كـان ودّك تجـــــوّد =أخذ الكلام الزين وأتـرك دميمـة

[فواز الشيباني]

نصيحه نبطيــه





أبوي رباني على الطيب من جـد
*************ما قال لـي يافـلان رد الشتيمـة


ترى الردي لا من سفهتـه تنكّـد
************يموت في غيظه ونفسـه سقيمـة


وأنا أعرف أن به ناس دايم تهبّـد
************مرضى نفوس مدوريـن النميمـة


خلك من اللـي لا تحاكـا تجـرّد
*************على الكلام الشين يذبـح تميمـة


أبـو حجـاجٍ لا نظرتـه معـقّـد
**************خبيث نفسٍ ولو بخصتـه بهيمـة


درب السنع عنه يحيـد ويتصـدّد
**************يسوق رجلـه للـدروب اللئيمـة


اللي على الحرمة يموت ويتوجّـد
**************غاية مناه تذوق منـه السقيمـة


عنتر زمانـه لا حكـا ثـم تنهّـد
*************يعد روحة بيـن ربعـه صتيمـه


يا بوك أنا شايبٍ وشيبـي تعـدّد
*************أبخص ردي الساس وأهل الشكيمة


خلك مع اللـي بالمراجـل تشـدّد
*************الطيبين أهـل العلـوم الحكيمـة


الصاحب اللي لأجـل خلـه تكبّـد
*************كل العنا ما قـال هـذي ظليمـه


فلـة حجـاجٍ لا نصيتـه تعمّـد
*************يسوق نفسه مـا حسبهـا بقيمـة


هذا نصيحـة كـان ودّك تجـوّد
*************أخذ الكلام الزين وأتـرك دميمـة




منقووول

الشاعر /// بدر العجمي
__________________