بـــاقــة قصــايد >>>أهدا لأعضـــاء الهيلا الموقرين<<<

[تاج السلاطين]

الســلام عليــكم

مســـــــاكم الله بالخير والعلم الزين جميــعاً..

طلب مني احد اعضاء الهيلا الموقرين بتزويده بقصايد للشاعر حسين بن عايض السميري ..
وها انا البي طلبه واتمنى ان اكون قد وفقت في ماجمعت ونقلت لكم ..
واتمنى ان يستمتع جميع الاعضاء بالموضــوع..


يقول شـــاعرنا:

ألا واهني اللي عـن الـودّ تـاب وصـام=
وانا تبـت وأرتديـت فـي الـودّ ياسـلام=
عيونه مراضيع العرب مـن سببهـا ايتـام=
درابيـل قـايـد فيـلـقٍ مـدّهـا قــدّام=
بدا ضربته واحـرق منصـات هوكوسـام=
فعل بي فعايل بوش فـي الطاغيـه صـدام=
وانـا ويـش اسـوي لاذخيـره ولا كمّـام=
كشف موقعي ومعسكراتي ماغـار اخيـام=
تفاوض معه بالصلح عطنـي ثـلاث ايـام=
وهذا كـان عيـاّ يقبـل الصلـح والسـلام=
قصفت الضماير قصفة ابراج نويويـرك=
على دقة التصويـب كـلٍ يبـا يشكـرك=
قرصت أذنه الحمرى وفركت خشمه فرك=
حجازي ووجهك سارقه من وجيه الترك=
لكن اصبري بالله يابنـت ويـن إديـرك=
قالت من قريّب لاتكثّـر علـيّ إفكـرك=
وأنا أقول لو مجنون ليلى يشوف إصورك=
ويجي عند جنّه من حلاياك عض وعرك=
لاوالله حربني حرب بيقن مع السـادات=
يباني بحالـة حـرب دايـم وتهديـدات=
وانا ماحسبت احساب تموين ومـدادات=
ياليتـه يحاربنـي بمدفـع ودبّـابـات=
ذبحني بزين القَـد وعيونـه الخـدرات=
وانا اجهل فنون الحرب فالمدن والغابات=
احضر هواشير وخرايـط وكنتـورات=
من الرّعب هاك الليل مامنهم اللي بـات=
يطبّق عليّه ذبحة القلعـه اللـي جـات=
يالله يامنشي السحا ب المضاليل=
إفرج لقلبٍ كل ماعسعس الليل=
صكوا علينا يم هاك السحاليـل=
واليا سمعنا الصافره جا تهاويل=
يهنيكـم بقلوبكـم يارياجـيـل=
يامشجّعة سمر العبيد المهابيـل=
هو سيدي اللي حط في الغرابيل=
اليا شبح باللي سواة الدّرابيـل=
شربت حبّه في بياض الفناجيل=
لا ياعيون اللي على الكـف منهـن دم=
عثى فالحباري ياعلي لين راح أدهـم=
تقفـاه تيـار الهـوى كنـه الفنـتـم=
يضيع الرّجا والياس فيّه اليـا سلهـم=
يروحن عشري خمس ماعاد اميّز كـم=
انا من عيونه مدري اروح والا اسلـم=
هذا والله اللي في ضحايـاه مايرحـم=
هذا اللي عرفته من حلايـاه يامسلـم=
هذا اللي حصل ياعلي منهن وانت اعلم=
تراني دخيلك ياعلي يـوم مالـي عـم=
وترى كان ماثبت كلمتي فيه قل لي قم=
لا واتل حاله تلة اللي ورد مـن شـرق=
عريض الجناح قصيّر القير يدرق درق=
تيامن عن الجوال والطرق وامن الطرق=
وتربّق كمينٍ لجهزتهـم رطيـن وقـرق=
عطاه الثلاثه واعتزوا ومرقوا به مـرق=
وتقفّاه من حمر الشراشير رعد وبـرق=
على محكماتٍ بالصواميل يلعـب ورق=
كفر فيه واحرق نار عمّار جوفه حـرق=
ذخاير نعاتيتٍ ليا جا الجد فيهـم فـرق=
فروا نجد بالحدب الوريعه وطول الزرق=
خذوا نجد عنوه ماخذوا نجد نهب وسرق=
يتلّه مثل منصور في ايمن خشوم البرق=
عطى به طريقٍ بين مشرع وبين الطرق=
تراها سواتك في ياحـي هـاك الفـرق=
تتل الضمايـر تـل غـربٍ يتلـه زرق=
على دربهن من جال تيما تعرقا عـرق=

في الختام اتمنى ان يحوز على رضاكم واستحسانكم مانقلته لكم عن شاعرنا الكبير حسين بن عايض..
ولــكم مني ارق التحايا/ تــــــاج السلاطيـــن