ياليت ربي ماخلقني بدنياك

[فواز الشيباني]

ياليت ربي ماخلقني بدنياك-------------ليت الزمان أبعد بنا والمكاني

ماكنت أعيش اليوم بهموم فرقاك-------ولا على شوفك دموعي ثماني

مير النصيب اللي كتب لي ملاقاك----وتصير لي عينك بحور ومواني

أضحك على العشاق ذولا وذولاك----ومن كثر ضحكي--فيك ربي بلاني

تامر وانفذ قبل تنطق شفاياك-----وانا على غيرك أمير لساني!

لولاك ماكنت أشكي الهم لولاك----لاشك في صحراك ربي رماني

تضحك وحالي منك ياروح ما اشقاك----مدري عديم إحساس وإلا أناني

مدري متى تدري بمن قلبه أعطاك----ماقال في يوم بخل ماعطاني

بمواصلك ملتاع وش عاد فرقاك-----عندي ولكن كنك بكون ثاني!

أدري تغلى تختبرٍ شخص ِ أغلاك---أعطاك عمرْ وقال هالعمر فاني!

والله ما سوى بي أحد سواياك-----لكن بلاي الحب زلزل كياني

حب الذي نجمه سطع بين الأفلاك-----بأول لقاء ضوى ليالي زماني




منقول لروعتها