غــروٍ غـريـرٍ غــرّره زيـنـه ومطغـيـه الـــدلال!!!!!! - الهيـــــــــــــلا *** منتدى قبيلة عتيبة

ابـن نـعـيـس · 27-Feb-2006, 10:12 AM

الشاعر : زايد الرويس العتيبي

لـوّ ان عنـدي مثـل مـا عنـد الوليـد بـن طــلال
------------------شريـت بـرج الفيصليـه لـجـل اغـيـظ المملـكـه

ماهو على شان الجنيه ولا علـى شـان الريـال
------------------لكـن علـى بـالـي طــرى شــيٍ تمنـيـت ادركــه

غــروٍ غـريـرٍ غــرّره زيـنـه ومطغـيـه الـــدلال
------------------لا شاف له شـيٍ يبيـه ف ظـرف لحظـه يملكـه

اللـي سواتـه وبسهولـه يملـك قـلـوب الـرجـال
------------------اليـا لمـح لـه درب فـي قلـب الرياجـيـل سلـكـه

هـذا وانـا مـا شفـت منـه الا التمنّـع بالوصـال
------------------كفـي مـن الحـسـرات لا مـنـي تـذكـرت افـركـه

يحبنـي وادري بحبـه مـيـر مــا جـالـي مـجـال
------------------أجلس معه جلسه وهـذا الوقـت مـا فيـه بركـه

يطري علي مع السهر واخذ ثلاث /اربـع ليـال
------------------تقـول كـن العيـن ظبـي وحضـرة الليـل شركـه

صوتـه ليـا جانـي ظمـا يسقينـي المـيّ الـزلال
------------------وساعة غيابـه تدخـل عيونـي ونومـي معركـه

شفايفـه جمـرٍ وانـا شـاعـر سـريـع الاشتـعـال
------------------الله شغلني بـه وغيـري مـا شغلـه الا كبكـه!!

لبّـا عيونـه والشعـر لا حـط شـال وشـال شـال
------------------إن طوّله وان قصـرّه وان سعـوّده وان أمركـه

ولبّـا النحيـل اللـي تحمّـل شيلـة حمـولٍ ثـقـال
------------------ولبّا الثقـال اللـي ولـو وقّـف يجـي فيـه حركـه

إليـا قفـل جوالـه اظلـم كـل مــا حـولـي ومــال
------------------فـكـري لتـيـار الـعـذاب وكــل طــاروق مسـكـه

واصبحت اهوجس ما تقول الا الوليد بن طلال
------------------مع اني افقر شخص عايش في حدود المملكـه