..+..كان شعرى قصر ماطال شمس الشموس ..+.. - الهيـــــــــــــلا *** منتدى قبيلة عتيبة

وليد الزراقي · 25-Feb-2006, 09:52 AM

لان الجمــال يستمر كما هو جمال
ولأن / متعب التركي جميل في كل حالاته ، رائع ، ومبهج
يكتب قصايده (( بصدق )) وهذا احد اسباب سر توهج قصايده
لقصائده سحر ، لايــكشفها الا من غرق في بحر سحره
رقم صعب في عالم الشعر
جميل ومـدهش .. وهنا اتذكر مقوله للشاعر السوري الراحل / نــزار قباني يقول بما معناه :
(( اذا لم تستطيع ان تكون مدهـش أياك والتحرش بورقه الكتابه ))!!

ترك لنا الكثير من قصائده الجميله التي تستحق الشكر قبل التدوين

وأسال الله ان يثبته ويزيد قلبه نوراَ وسعاده

يوم طاب السهر عيّت تطيب النفـوس
جت من الله وانا كـم كنـت محتاجهـا

كنها من حلاهـا كـل ليلـه عـروس
خايفه من عيـون النـاس واحراجهـا

حى هالطول يازولٍ عسـاه محـروس
من عبـث لوعـة الايـام وازعاجهـا

تزعل نفوس والا تمتلـى غيـظ روس
من يقـرّب لهـا وضلوعـى سياجهـا

لامتى وانت ياشوق القلـوب محبـوس
طالـب السالفـه وابطيـت بعلاجـهـا

جعل قلبٍ على نار الغيـاب محمـوس
يحتـرق بيـن صاليـهـا ووهّاجـهـا

من خبر له غلا بين الضلوع مغـروس
غرسـةٍ كلبـو شعـرى مـن انتاجهـا

لاتقرب لك الفرقـا هذيـك الهجـوس
من متى والبحـور تفـارق امواجهـا

لازم اصبر على وجه الزمان العبـوس
لين سود الليالـى يضحـك احجاجهـا

من بغى يقطع الفرجه يعـاف الجلـوس
ليـن ياصـل نهاياتهـا ومخراجـهـا

كان شعرى قصر ماطال شمس الشموس
تستريـح القصايـد داخـل ادراجهـا