وهذي سالفة الجوفي وابن عدوان

[فواز الشيباني]

.
نمر بن عدوان من اشهر شيوخ العدوان واشعرهم ومن اشهر مشايخ البلقا ومن اكرمهم
من عادة اهل البلقا قديما
اذا صار عندهم عشا او غدا او عزيمه
يقلط الضيوف والمعازبيهم وراهم صف صف ورا بعض تقريبا علي كل صحن خمسه ووراهم خمسه وهكذا وكل شخص ياكل ويعطي الي وراه
(انطح فالك وانشد عن خالك )

المهم
بيوم جاهم ضيف من الجوف ماادري وش هو بالضبط
قام الشيخ نمر وعزم جيرانه وربعه وهله وسوا عزيمه اكرام للضيف
ويوم تجمعوا وصار الغدا والم
قاموا علي الصحون ومعاهم الجوفي
ويوم قلطوا استغرب الجوفي من طريقة قعدتهم (شلون يقعدون خمسه خمسه وورا بعض ) واستغرب بعد من الذبيحه ماشاف بالصحن الا ذرعان وكتوف
كتمها بقلبه وقعد معاهم وتغدا وسوا مثل ما يسوون

الوكاد

سالفة الغدا تلعب براس الجوفي يمين ويسار
شوي وقام يلعب وقال هل القصيده

يا محـلا والشمـس بـاد شعقهـا =من حدر الزرقا الي نقرة الجـوف
تسقي لنا غـرس ظليـل ورقهـا =الي ثمرها للمساييـر وضيـوف
كم حايل للضيف نرمـي شنقهـا =يقلط حثث ماهو علي الزاد مردوف
ابرك من البلقـا وحامـي مرقهـا =مقلطة للضيف ذرعـان وكتـوف

وهو بهل القصيده يقول
ان الضيف عندهم يقلط حثث (مفرد) ما معاه خوي
والبلقا علي فكره مشهوره بمرقها وبزينه

وهو بغفلته رجل من اهل البلقا سمع قصيدته
وراح وعلم ابن عدوان عن هل القصيده
ويجيبه عنده ابن عدوان ويقوله انا لازم اذبحك علي قصيدتك
وحجزه عنده عشان يذبحه
وشوي ولا ربع ابن عدوان وجماعته جوه وقالو له ياطويل العمر ان ذبحته صار علينا عار محد يفكنا منه (ذباحة الضيف)
قالهم زين وش الراي
قالو له ارسل اثنين من البلقاويه وقول يروحون لديرة الجوفي ويشوفون شلون اهل الجوفي يبون يكرمونهم وشلون يقلطون علي الزاد
ان كان صادق خليته وان كان كاذب ذبحته
قال زين وامرهم انهم يرسلون اثنين من ربعهم عشان يشوفون اهل الجوفي
والله ويروحون
وبعد فتره رجعوا ونشدهم اابن عدوان وش شافوا
قالو والله ماكذب بحرف مثل ما قال الجوفي
قال اجل طلعوه واكرموه ورجعوه لديرته
----------

[وليد الزراقي]

بيض الله وجهك على القصيده المعروفه والطيبه
مشكور فواز
تحياتي

[فهيد مقعد الرويس]

مشكور اخوي فواز على القصة الجميله

والقصيدة الرائعه

تحاتيييييييييييييي

[فواز الشيباني]

اخي وليد الزراقي

شاكر لك تواجدك المميز

لاخلا ولاعدم ياغالي ولاهنت

[فواز الشيباني]

اخي المبتدي

مشكور ياغالي على المرور المشرف

الله لايحرمنا من تواجدك الرائع

ولاهنت ياغالي

[منصور بن فهيد]

الغالي : فواز

لاهنت يابن العم والشيخ نمر بن عدوان من اشهر ماضربت به الامثال في الجزيرة العربية

اختيار ولا اروع منك طال عمرك

بانتظار ابداعاتك القادمه بشوق

تحياتي وتقديري

التوقيع

man.9.our@hotmail.com

[فواز الشيباني]

اخي النويري

مشكور على المرور المتميز

الله لايحرمنا من تواجدك
الرائع
ولا هنت يا غالي

[الوعر]

مشكور ويعطيك العافية الاخ فواز الشيباني والله وصدق الجوفي سلومنا حنا اهل الجزيرة مامثلها سلوم وكل العالم ينسبون نفسهم لنا ولكن الثرا مايصير مثل الثريا ومانقول لك الا بيض الله وجهك على هذا الموضوع
وتحياااااااااااااااااتي

[فواز الشيباني]

اخي الوعر

مشكور على التواجد الرائع

لاحرمنا من مرورك المميز
الله يعطيك العافيه ولاهنت

[وادي الجوبه]

السلام عليكم ورحة الله وبركاته
والله ان ردي من باب إحقاق الحق
القصه فيها نوع من الجهل بالقصة الحقيقيه والوقائع التي حصلت
وسأدونها لكم من مصاصرها هنا بالجوف ومن هناك بالأردن حت لا نهضهم أحدآ
حقه ولا نصبح جاحدين !!!!!!!!!!
في تلك ألأثناء التي التي إستضاف إبن عدوان (الجوفي ) وقلطه على ذرعان وكتوف
لم نكد نجد من الطعام إلا اليسير حدآ اللذي لا ليسد الرمق والمكون من قليل من التمر .
فنحمد الله على ما أنعمم علينا من فضله الواسع ولا نكون من الجاحدين بعد أن إغتنينا
والله من وراء القصد