تنزل عليّ العفاريت!!

[وصل العطياني؟؟؟]

السلام علاكم

يا قلبي اللي كلما اصبحت وامسيت=احصـّلِك في يدين غيري رهينة
خَـلِّـك ؛ تراي لرجعتك ما تمنّيت = عندي يقين إنـّك في أيدٍ أمينة
تودّعـك لن رحت وتضمّك إن جيت = وتحـْفظْـك حِـفْظ الواحد لنون عينه
لو كان طوّلت الغياب وتماديت = طوِّل ولاني قايل القلب وينه
إرتاح عند اللي عيوني لها بيت = باني لها في نون عيني مدينة
لو جاتني في حالي النوم فزّيت = تقال في صدري مركـّب مكينة
بغيابها تنزل عليّ العفاريت = وبوجودها تنزل عليّ السكينة
عز الله إني يوم فـ البحْر طبّيت = طلعت من عمقه بــ " دُرّة ثمينة "
لو شاهدوها اللي يصلّون فـ " البيت " = من مكـّة يصلّون يمّ المدينة
ودام انبسطنا ؛ غيرنا في قدر زيت = ما للحسود الاّ القهَر والغبينة
إذا عذلني عاذلي عنه صدّيت = قلت إذن من طينة وإذن من عجينة
يالله اللي صِمْت لأجلك وصلّيت = ياربّ عبدٍ رافعٍ لك يدينه
إحْفَظ لي اللي في هواها تغنّيت = وسخّرت جزلات البيوت الرزينة
والشاعر اللي يعْجز يسخّر البيت ؟= يسكت برحْمَة والدا والدينه

تحياااااااااااااتي

التوقيع

na111na@hotmail.com

[مشعل بن حويد]

((1))

صح لسااااااااااانك يا وصل

كفيت و وفيت

تحيااااااااااتي

اخوكـــ.../

[الفراهيدي]

صح لسانك ياوصل

دائما تمتعنا بالجزل

الله يعطيك العافية

تحيااااااااااااااااااتي

التوقيع

AL-frahedi@hotmail.com

[مرزوق حمدان العتيبي]

..
.

الله عليك يابو مشهور ..
لو شاهدوها اللي يصلّون فـ" البيت "
............... مـن مكّـة يصلّـون يـمّ المدينـة

ادخل على الله
مجرم شعر ياوصل ...
صح لسانك ..
ودائماً في انتظار جديدك ..
اخوك ..

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[علي فلاح العضياني]

صح لسانك وبيض الله وجهك وهذا ليس غريب عليك يا شاعرنا وصل

ولك مني جزيل الشكر

اخوك الفالح

التوقيع

(( رأس الحكمه مخافة الله ))

[** البرقاوي**]

نسأل الله العفو والعاااااااافيه ...

والله لا استطيع ان أعلق على ذلك

..............................................
.......................





اخي الفاضل البرقاوي
زادك الله الى الخير حرصاً....
.......
والله اعلم .......... ان ماذكره الاخ وصل
لا يخرج عن كونه صيغة مبالغه ... لاتصل الى ماذهبت اليه...
واذا اردت ان تنهى عن منكر من وجهة نظرك
فاعتقد انه ماينبغي ان تأتي بمنكر في الاتجاه المقابل ...
لذلك ارجو ان كان لديك نصيحه تقصد بها وجه الله
وتريد ان تكون محببه للمنصوح ... ان تكون بعيده
عن اعين الناس وصندوق
الرسائل في متناول الجميع ..
من وجهة نظري هو الاسلوب الامثل ..
اخوك ومغليك...
مرزوق العتيبي ....

[صقرنجد]

[frame="7 80"] صح لسانك

يابو مشهور على هذهــ القصيدهـ ولاهنت ياولــد العم

ونتمنالك مزيد من العطاااا والتقدم والتفوق في مسيرتك الشعريه

ولك خالص التقدير والاحترام [/frame]

[فواز الشيباني]

صح لسانك ياوصل

دائما تمتعنا بالجزل

الله يعطيك العافية

[قاطع طريق]

لو شاهدوها اللي يصلّون فـ" البيت " = مـن مكّـة يصلّـون يـمّ المدينـة

رهيبة يا وصل

وكما قيل: "أعذب الشعر أكذبه"

صح لسانك

[ماجد الهذلي]

وصل العطياني

هواوي الله ربنا وربك

قصيدة رائعه يا وصل

وكثرة قدور الزيت في قصايدك

لا تكون الزيوت دنمركية وأنا مدري

تحياااتي