الشايب الاسمر والمزيونه مي !!!!!!!!!!

[ابـن نـعـيـس]

بسم الله الرحمن الرحيم

السلام عليكم ورحمة الله وبركاته

هذا الشاعر لافي الصيدة شايب واسيمّر شوي ونوى يعدل النسل ويتزوج وحده شابه وجميلة اسمها(( مي)) لكن ردت عليه انه أسمر وشايب والصورة اللي عطاهم قديمة ورد الشاعر بالقصيدة ذي

صحيح انا شايب بعد واسمر شـوي=والحظ ( هاف ٍ هاف ) يذهب وياتي
واسمي من الأسماءا لقديمات يا مي=اكيـد مـا يعجـب كثيـر البناتـي
حظي كذا لا هـو بطيـب ولا سـي=مثل ما قالوا ما دعت لـي حماتـي
والشايب الله يرحمه ما ترك شـي=الا عشـر معـزا وسبـع لقحاتـي
يا بنت راسي ما عرف بارد الفـي=ما بين شمس وحمس هذي حياتـي
ايام اسايرهـا رغـم فعلهـا فـي=وايـام اجابهـا بـذاتـي لـذاتـي
اصبر لجمرة ذيك كلـه لأجـل ذي=خـوفٍ التتقصيـر فـي واجباتـي
عندك خبر حبل الرشا ياسم الطـي=وحتى الهوى نحت جبال السراتـي
قال المثل ما فيه شيء بلا شـيء=والمغفـرة مشروطـةٍ بالـصـلاة
الهون ذل وزي مـا هـو لنـا زي=عن كل هون اختار رقعـة عباتـي
حلفت للأعـز راسـي وانـا حـي=ما دام راسـي يـورح الذارياتـي
وقصيرتي لو هي مثل شمعة الضي=تحرم عليه مثـل حرمـة خواتـي
وانكان ودك تعرفين اكثـر شـوي=هذي صور وجهي وهذي صفاتـي
وان شفتها ياقلب عيت بعـد عـي=المسكنه ما هي سمه من سماتـي
اصبر لوان الكي ما يبـري الكـي=ورزقي على اللي كـون الكايناتـي
اختار حرف الألف والسين والجـي=وغيري كثير اللي يسـوي سواتـي
قدامنا راحت على ابوك يـا عـدي=بغـداد والبصـره وشـط الفراتـي

التوقيع