-- العتبان وينكم احيوا --

[محمدابوشهاب]

بسم الله الرحمن الرحيم
السلام عليكم ورحمة الله وبركاته

ابد ماهو منتدى الهيلا اللي نعرفه
من كم يوم لاحركه لاحس احيوا

-----------------------------

ياعتيبه منتداكم طاح يبغى من يشله = لاتطيح السمعه اللي برقها فالليل لاحي
من غلاكم جيتكم وابوي معروف محله = يوم قيل اللي ضما يارد على الجم القراحي

[شاعر روق]

وعليكم السلام ورحمة الله وبركاته واستلم لاهنت

يامحمد منتدى الهيلا ماجايِ فيه خله=سمعته يم النجوم ولا تجي يم البراحي
كان صادق يامحمد في كلامك قول والله=وانت رجلِ من رجالِ تعشق الوضع السياحي

[محمدابوشهاب]

ارحب

شلونك على هالمده

كان صادق في كلامك ياعساه ويالعله = بس من حقي عليك تجيه من كل النواحي
الخضوع لغيررب البيت يالروقي مذله = وانت رجل مجلسك مفتوح وتحب الصلاحي

[سلطان الحافي]

السلام عليكم ورحمة الله وبركاته
محمد بن راشد
شـــــاعر روق
مساكم الله بالخير
صحت السنتكم
واصلو لاهنتوووووووووووو
تقبلوا تحيات
سلطان الحافي

[محمدابوشهاب]

ارحب


ياسلطان



تواجدك اسعدني



حي هالصوت

[شاعر روق]

انا موجود يابو راشد وبخيرو انت بشرني عنك

صادقِ في كلمتي وانته عسى دربك تدله=ياعميل واجبك قدِر على النيران فاحي
ابشراني دوني حدي مشهرِ سيفي واسله=والضيوف الها مقام وللعدى سمِ ذحاحي

[ابن مشيب]

الله الله صحت السنتكم جميع

بداية قويه بين علمني من اعلام المحاورة


واصلوا وحنا متابعين

[حمد بن جوباح]

.
..
الشاعر ابو راشد
حياك الله يالغالي
وصح لسانك مليووون

شاعر روق
هلا بك يابن العم
وصح لسانك مليون ونص
كفو والله تسد فـ..الميقاف عن عتيبه كلها

[شاعر روق]

وعليكم السلام ياسلطان


وحضورك ينومس لاعدمتك



تقديري

[شاعر روق]

ابن مشيب


ياهلا وغلا وجود الصف يالقرم لاعدمناك


دمت بخير