قصيدة يامحلا الفنجال لراكان بن حثلين

[حـــ(مجروح)ـــر]

يا محلا الفنجال مـع سيحة البال فـي مجلسٍ ما فيه نفسٍ ثقيلة

هـذا ولد عم ٍ وهذا ولـد خال وهـذا رفيـقٍ مـا لقينا مثيلة

يا ليت رجـال يبـدل برجـال ويا ليت في بدل الرجاجيل حيلة

يا بو هلا طير الهوى خبّث البـال الطير نـزرٍ والحبـاري قليلـة

يالله ياللي طالبه مـا بعد فـال ياللي من الضيقات ينجي دخيلة

افرج لمن قلبه غدا فيـه ولـوال والنـوم ما جـا عينه الا قليله

لا من ذكرت رموس عصرٍ لنا زال شوف الفياض وفقد عز القبيلة

يا زين شدتـهم اليا روح المـال يتلون براقٍ حقوقٍ مـخيلـه

يسقي خصيفا والثمان ارضها سال مرتـع معطرة السيوف الصقيلة

اللي ليا ركبوا على كل مشوال يفرح بـهم راعي النياق الهزيلة

من جـو ساقان الى سيف همال وينـوش حسنا والرديفـة هميلة

ولا قادنا من يـمة القفر خيـال يصبح شديـد البدو عجلٍ رحيله

زاع السلف واستجنبوا كل مشوال والعصر يا مـحلا تخيبط نزيلـه

وان شرف البادي على روس الاقذال والمال كثـر الـزول زود جفيله

وتلافحت من بينهم شهب الاذيال ومـن ضيـع المفـتاح واعزتيلـه

ركبوا على طوعاتهم كـل عيّـال وكـل ابلجٍ يـحري بكسب النفيله

تغانـموا المفزاع ذربيـن الافعال مـن قبـل تسبق غارة تنثنـي لـه

يبغون طوعة روسهن قبل الادمـال وتغانـموا خلف كثيـر هجيلـه

وحال الكمي من دون عطرات الاجهال ومـروا ولحقـوا مقحمين الدبيلة

واللي تريّض عقبهم يلبـس الشـال مـن صنـع داوود دروعٍ ثـقيلة

يلـزم عليهم علـة عقب الانـهال ومـن غارتـه لـزمٍ يضيع دليلـه

والـدم بقطـيّ الرمك يثعل اثعـال يـزعج علـى اوراك السبايا وشيله

هذي براعيها عـن المعرقـة مـال وهـذي شكلهـا مطرّقٍ مـا تشيله

من وقـع كـل مجربٍ قد له افعال وفـروخ صياد الحبـاري فـصيلـة

واليا ركبنـا فوق عجلات الازوال وبايـماننا حـدب السيوف الصقيلة

وما ظن نحسب لااشتبك عـج واقتال نـتـرك صبـيٍ يقتنع بالفشيـلة

وصـلاة ربـي عـد مـا زايلٍ زال علـى نبـي الحـق راعي الفضيلة

(( الحمد لله انا بين ربيعي عتيبه """
هـذا ولد عم ٍ وهذا ولـد خال وهـذا رفيـقٍ مـا لقينا مثيلة

[الغربي]

الله الله الله يبيض وجهك على اتحافنا بهذه الرائعه التى لو قرئتها 1000 مره ماتمل منها
مشكووووور
اخوك ......... الغربي

[حـــ(مجروح)ـــر]

اشكر لك مرورك واتمنى التوفيق للجميع والرقي بالمنتدى الى ان يكون من افضل الموقع السعودية والعربيه (( بنا جميعا يتحقق ذلك ))