منقول من شبكة المرقاب الأدبيه
الحبّ مـا كفـرّ ذنـوب المحبيّـن = عاشـوا بحـقّ اقلوبهـم مذنبيـنـي
يركز على صـدر المولّـع نياشيـن = ويجمع له .. الحسـاد والشامتينـي
متبوع ف الدنيا ومشروع ف الديـن = فطـره مـع الكفّـار والمسلمينـي
وانا على سلـم الرجـال المسميّـن = كسّابـة الثنتيـن دنـيـا وديـنـي
اللي ليا قـروّا .. تقـرّ الموازيـن = فعلن ضروبه مـن قديـم السنينـي
وقفت بين العقـل والقلـب والعيـن = واحترت في عقلي وقلبـي وعينـي
ادوّر الخيره .. وانـا بيـن ثنتيـن = واللي يجيني مـن وراهـا يجينـي
آخذ مـن نجـوم المجـرّه براهيـن = وافلج دعاوى الجدي ب الفرقدينـي
وين انت يا مسرج هجوسي وانا وين = عيّت وسـاع البيـد تقطـع حنينـي
ألـف وثلاثميـه وخمسـه وستيـن = كيلو متر بالضبط .. بينـك وبينـي
كيّلتها والقلـب مـع كـل متريـن = يقسى على حدب الضلـوع ويلينـي
ياليّنه جيتك .. على العسر والليـن = اردّ عـن يسـراي صفقـة يمينـي
خليني اكتب لهفتـي بيـن قوسيـن = وحطي تحتها خط .. واستوعبينـي
ماعندي الا قلب ولو معـي قلبيـن = واللهّ ل اعلقّ صورتـك ف الثنينـي
وابدع لحن واطوّح الصوت صوتين = أمّا على المسحـوب ولاّ الهجينـي
« آخـــر الـــمـــشـــاركــــات »
21-Jan-2006, 05:10 AM
1365...... ســــــــــداح
العرض الشجري