العلاوة

[أبو زيد]

العلاوة

قالوا ترزز جاك منا علاوة ### ما جيت والله للعلاوة وأنا أخوك

ما كنت أنا جيعان آكل قطاوة ### ولا كـان بابـي للمـزاويـر مـصكوك

أنا ولد شيخ المحايا بسماوة ### المال زيـنـة مـيـر لا زاد داكـوك

تركت ربعي في مصيف النقاوة ### من شان علم منزرع داخل الشوك

والله لولا العلم مابه حـــلاوة ### ما جيت أنا للعلم عبدٍ ومملوك

أهل الحسد والغي وأهل العداوة ### لو يـقدرونك يـا مـحـمـد تـوطـوك

قـالـوا عـتـيـبي العـتـيـبـي بـــداوة ### ترضيه طفسة مال ما يعرف ابنوك

لا والله ألاّ الـعـتــيــبــي صــــفـاوة ### ماعـــاك قــلـبه للـمـخاسـيـر عــاكوك

ترى العتيبي في حياة الشقاوة ### سود العلوم وبيضها شاف ياخوك

الله يـعـز اللي حـكـم بالـمـساوة ### آل السّعود اللي إليا طحت شالوك

أهل الكرم من نجد أهل العفاوة ### لو قـدر الله غـيـرهم كـان ذلـّوك

مير احـمـد الله عايشٍ فالـهناوة ### محدٍ تعرض لك وبالدين صانوك

بعض العرب ياناس جهل وجفاوة ### زد قلت لك يا عقاب هذا بلى بوك

ترى الخبل هالحين وراع الغباوة ### هو المبجل دام شايل معه بوك

يـارب تــرزقــنـي عــلــوم الــطـراوة ### وامن الدراهم ما يسدّن عن العوك

وتـرفـع مـكانـي يـاإلـهـي بـحـفـاوة ### ولا تجعل المنّه لغيرك لها دوك

وسلامتكم
أبو زيد