يقال ان هذه المحاوره حدثت بين ضيدان بن قضعان وسلطان الهاجري في داخل السجن واحضرناها لكم هنا
ضـــــــــيــــــــــدان:
مرحبا فـي حلـة دونهـا عشريـن بـاب = الـمـراوح فوقها..والهـبـوب تـفـرهـا
الحرار اللـي مواكيرهـا روس الهضـاب = حولـت فـي نقـرة مـا تحمـل حـرهـا
ســــــلــــــطـــــــان:
والبقا يـا صاحـب مـاوراه إلا العـذاب = والجريـره حسبنـا الله علـى مـن جرهـا
صاحبي ضيدان غرب ولا أدري ويش جاب = يـوم حصـل خيرهـا مـا كفانـي شرهـا
ضـــــــــيــــــــــدان:
مايبـرك للحمـول الثقـال إلا الـركـاب = احتمـل وجـنـود الإســلام لله درهــا
وإن سرى ثلثين ليلك ونجم الجـدي غـاب = سل عيوني ليش حلـو الكـرى مـا مرهـا
ســــــلــــــطـــــــان:
الفخـر والعـز بيـن الثريـا والسحـاب = والمطر لو مـا يضـر الديـر مـا سرهـا
مير قل لي ويش فرق المشالـح والثيـاب = إن سبحـت ببحرهـا وإن مشيـت ببـرهـا
ضـــــــــيــــــــــدان:
فرقها فرق ازرق الما على وضح السراب = والسـراب يوهـق الضامـيـه ويغـرهـا
والبلا من شعلة ما حسبـت الهـا حسـاب = واحـد منـا قدحـهـا والآخــر كـرهـا
ســــــلــــــطـــــــان:
مابقى في حوض الاجرب طعام ولا شراب = والجنوب مـن الجـرب كـل ليـل يعرهـا
لاتعاتبنـي عليهـا خـطـا والاصــواب = فـي ذرى روس ماطـار الهـوى باغترهـا
ضـــــــــيــــــــــدان:
كل أبينـا لقمـة بيـن ضـرس وبيـن نـاب = ميـر يـا سلطـان دك الركـاب وسـرهـا
واضرب أم جلال بالهرش يامـال الذهـاب = لقحـة أم جـلال والا الجمـل مـا ضرهـا
ســــــلــــــطـــــــان:
احسـب انـك فـارس ماتـذل ولا تهـاب = ليـن صرتـك المقاديـر جـوف امصرهـا
يحمي الله شذرة السيف مصقول النصـاب = أمـا عـدل ميلـة الـروس والا طـرهـا
ضـــــــــيــــــــــدان:
لاتغيّـر هقوتـك فـي ولـد غانـم ذيـاب = لـو تشوفـه لابـس جوخـة مـا زرهــا
وانت في دار ابن سفيان مطـوي الكتـاب = وكـل نـفـس تاليتـهـا عـلـى مقـرهـا
ســــــلــــــطـــــــان:
رحلة الرحالـة ماغيـر وقفـة وانقـلاب = مامسحهـا إلا يبـي يصطبـح مـن درهـا
من قرصه الداب حتى الحبـل سمتـه داب = يامجـرب حلـو الايـام جــرب مـرهـا
كل التحيه لكم
« آخـــر الـــمـــشـــاركــــات »
12-Jan-2006, 08:07 PM
محاوره بين ضيدان وسلطان الهاجري داخل ابو زعبل !
العرض العادي
