قصايد حب منثوره

[فيصل المسعودي]

الشاعر / محمد الدحيمي

تقهـويتــك وله ... لوما تقهـويتــك بصفر دلال=
اهيجن لك .. بطرقٍ .. غار من مسحــوبه الموال=
تذكــرت الجــــديل اللي تمـــوّج كنّـه الشـــلال=
وطهور الرمش يرسم له على الوجنه غطى وظـلال=
حبيبي ... ما بقى للشعر شيٍ يوصـف وينقــال=
سحرني كلّ شيٍ فيك .. والسـحر أغلبه قتـال=
حبيبي ... عاشقك معذور والله لو يجـيه هبـال=
احـبك ايه احـبك ياغنى عمــري وراس المــال=
لطيفك من سموم القيض في عين الوله مقيال=
أهلّي بالجروح اللي غدا صـدري لها مدهــال=
واداري حيرة العبرة .. واكـابر واقهر العـذال=
انا والله لزومـــات العــواذل والرجـال رجـال=
ماحـد يـقدر يعلّق في خيــــوط العنكـبوت جبـال=
يجونك ناس والدنيا .. معاك ريال تسوى ريال=