جبينها ضوح البـدر بالدجـا ضـاح

[يجيلك يوم]

الصاحب اللي شوفته انـس وافـراح

مشعل حروفي بين شمع ومصابيـح

جيته عزيز(ن) حامل سيوف ورماح

جيته وانـا خالـد بعيـد المشاويـح

ارتاح لامن جيتهـا عقـب مسـراح

تصبح همومي من بَعَدهـا مطاريـح

وان جيتها تشرح لي الصدر وارتاح

جميلة(ن) زانـت عليهـا المشاليـح

براق هملـه بالحشـا لاح بـي لاح

وتدوي ارعـوده بالحنايـا المدابيـح

تنبت فياض(ن) همل مزنه ليا طـاح

بأقصى الحنايا يابسات(ن) صحاصيح

امبرقعة وعيونهـا خـدر وامـلاح

غرنوقة(ن) في ريحها المسك والشيح

جبينها ضوح البدر بالدجـا ضـاح

خمسة عشر والمزن دونـه منازيـح

لا شفتها بيطيب ما بي مـن جـراح

وصوفهـا هـذي وكـل التلاميـح

وياما حلا هرجه ليا صوت وصـاح

ابسمعه لو هي هبـوب(ن) مراويـح

اهيا الملاك الفاتنه غيرهـا اشبـاح

ما ابغى سواها عفت كـل المماليـح

وماني مقّفـي يـا جماعـة ونـزاح

قلته وأنـا خالـد بعيـد المشاويـح

خالد الرشيد