علموا مرزوق بالله كيف اغني وتسلا

[^ بـ$ـاتـ$ـل ^]

كيف اغني واتسلا عبر الانتر ياجماعه= علموا مرزوق بالله كيف اغني وتسلا
عندي احساب ورصيد وعارف اوصاف البضاعه=مير اشوف احيان شيٍ يرفع الظغط ويعلا

[مرزوق حمدان العتيبي]

	ياسلامة قلبك اللي لاعه المكتوب لاعه = صدق من قال المجنب في طريقه مايخلا كل رجل ٍ ماينال المجد من مكسب ذراعه = يمتلي قلبه من اهل المرجله غيره وذلاّ

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[^ بـ$ـاتـ$ـل ^]

احمدالله ربي اللي حط في قلبي شجاعه=ودوم عن درب الطمانه يارفيقي بتعلا
ضرسك اللي فيه سوسه تعرف ان طبه قلاعه=وان تركته كل ضرسٍ في جماك احسبه ولا

[مرزوق حمدان العتيبي]

	بعض خلق الله ياباتل مابقى عنده مناعه = مايفرق بين طعم الحنظله واللي محلا والجبل ماغيرت لفح الهبايب بارتفاعه = ومن طلع راس الجبل زالت همومه واسفهلا

[^ بـ$ـاتـ$ـل ^]

خلق ربي بين بذر الزرع واحصاد الزراعه=والغشيم اللي زرع شوكه يبيها ورد فلا
كل طير طار يرجع مرجعه في وسط قاعه=وعن دياري والله اني فالشدايد ماتخلا

[مرزوق حمدان العتيبي]

	كان قابلت السنافي ماتضايق من طباعه = ممتلي كله شهامه وان حكالك مايملا وكان قابلت الردي يبدي لك بقل السناعه = ون نصحته لاتمادى بالخطيه... ردّه الاّ

[أبو الوليد]

صح لسانك يا مرزوق
وصح لسان باتل ..

التوقيع

https://twitter.com/abalwled عَظيمةٌ أنتِ يـا أرضَ الرسَـالاتِ = يا مهبطَ الوحي فِي خَتْـمِ النبـوَّات أنْتِ السُّعُوديَّةُ العَلْيَـاءُ فِـي شَمَـمٍ = تَعْلُو عَلَى كُلِّ مَنْ تَحْـتِ السَّمَـوَاتِ

[مرزوق حمدان العتيبي]

..
.
صح بدنك يابو الوليد.....
نورت الصفحه بحروفك ..
...

اخوك ِ

[((الدلبحي))]

صح لسانك يا مرزوق
وصح لسان باتل

واصلوا

[^ بـ$ـاتـ$ـل ^]

صحت ابدانكم
ابو الوليد والدلبحي

مرحبا ومسهلا

جبت طب العله اللي شيعوها بالاشاعه=والطبيب اللي يداوي بالاشاعه يستدلا
بس قلي عن ودعين وامرينه فالوداعه=السؤال اليا طرحته شوف يامرزوق حلا