ماكن (( دهن العود )).. معها..(( دهن عود ))

[يجيلك يوم]

نبـع العذوبـه دونــه الـبـاب مـوصـود
إلا عــن الـلـي لاوزنـهـا .. وزنـهــا



اللـي يجيـب مـن البحـر لولـو عـقـود
كـل المـوانـي جـهـزت لــه سفنـهـا



حتى لو ان الدخـل (( ملـوي و محـدود ))
المزمـنـه يـكـوي جـروحـه زمـنـهـا



فـز الربيـع وجـابـت علـومـه الـنـود
والأرض ربــي.. بالخـزامـا.. دفـنـهـا



وام العيـون الـسـود ورموشـهـا ســود
تبـي تربـع مـن وطنـهـا .. iبوطنـهـا



البـارحـه باللـيـل ماعـنـدي شـهــود
مـن صحـة لسـانـي ل صـحـة بدنـهـا



تطرب واغنـي واسكـت وتطلـب( ن ) زود
وابعـث (( رميـم القافيـه )) مـن كفنـهـا



اذبحلهـا معـنـى لــه سنـيـن مفـقـود
اللـي ذبحتـنـي ذبــح مـاتـدري انـهـا



عليهـا ضحـكـه كنـهـا دنـدنـة عــود
وشلـون اسـولـف للعصافـيـر عنـهـا ؟



اقول (( ضحكة طفل )) قبـل امـس مولـود
ولا البـنـات وهــن بـنـات عشقـنـهـا



علـى ملامـح وجههـا المـلـح مـجـرود
وكــل ماتـمـر الزعـفـران يحضـنـهـا



ماكن (( دهن العود )).. معها..(( دهن عود ))
العـود اضـنـه يـاخـذ الـدهـن منـهـا



علـى صباحـه مطلـع الشـمـس معـقـود
وجدايلـه (( لـيـل الشـتـا )) طاولنـهـا



ماللـسـواد بـديـرة عيونـهـا حـــدود
غيـر العيـون الـرمـش يـآمـر وينـهـا



ومتلثم الرمان (( عنقـود )) .. (( عنقـود ))
مديـت لـه عيـنـي وكـفـي iiسجنـهـا



حتـى النحـل لـو جبـت لـه بـاقـة ورود
راح ل..شفايـفـهـا الرقيقهiوسـكـنـهـا



والسالفه (( تضحك )) وانـا كنـت موجـود
ماتـدري ان (( الشعـر )) يـدفـع ثمنـهـا



اروح اعبـي ب..القلـم (( ملـح بـارود ))
و (( انشـب بحلـق القافيـه )) وامتحنـهـا



الشاعر ممدوح الراوي