الله انه يعين اللي مناوب خميس !!!!

[ابـن نـعـيـس]

السلام عليكم ورحمة الله وبركاته


اعجبتني قلت خل الشباب يوسعون صدورهم بهذه القصيدة الفكاهية والتغيير زين.......
وهي للشاعر المبدع سعيد بن مقبل الأكلبي.....

الله انه يعين اللي منـاوب خميـس=البشر مستريحينٍ وهو فـي قيـار
لايعيّن صحيب ولايعيـن ونيـس=بس يِدرِج عيونه من جدار لجـدار
العرب يفطرون وياكلون التميـس=عقب فنجـال بـنٍ فايـحٍ بالبهـار
والمعنّى فطـوره شلفتيـنٍ يبيـس=سندوتش الطماط وسندوتش الخيار
مشتريها من اللي قد مرسها مريـس=حط فيها الفلافل لين راحت دمـار
حظه اقشر ومثله في الاوادم تعيس=مالقا من كفيله غير شـق الـزرار
يوم جابه وهو ماله سبوعٍ عريـس=بايعٍ كـل مايملـك ولا لـه خيـار
قال خمسة شهورٍ تشتغل ياخسيـس=لين تقضي دراهم فيزتك يا(....مار)
ثم تاخذ ثلاث شهور عندي حبيـس=لين ابيع التريله وانتهـي مالعَمـار
والسنين البواقـي تدّهـر فالتبيـس=بين مكه وجـده والبلـد والمطـار
هز راسه وقال(اسفيك بابه منيس)؟=واختلف لون وجهه في سواد وحَمَار
قال انا فيه مسلم وانت والله ابليـس=والتفت صوب عودٍ طايحٍ فالغبـار
واشتبك مع كفيله يوم حمي الوطيس=لين راحت فنايلهم علـى كـل دار
منظرٍ مايشابه غير يـوم الخميـس=يوم انا فالمعسكـر والاوادم حـرار

وسلامتكم

التوقيع

[فواز الشيباني]

اخي ابن نعيس

صح اللسانك والسان الشاعر الاكلبي

الله لايحرمنا من نقلك الموفق

الف شكر لك ياغالي

[ابـن نـعـيـس]

فواز الشيباني

صح بدنك

ومشكووور على تواصلك الدائم والرائع


تحياااااااااااااااااااااااااااااتي

[فهيد مقعد الرويس]

تسلم يابن نعيس

والله انك وسعة اصدرونا بهالفكاهيه

تقبل تحياتي

[فيصل المسعودي]

تشكر يالغالي


على هالفكاهيه


تحياتي

[((الدلبحي))]

الله يرضى عليك ويعافيك

صح السانك والسان الاكلبي

تحياااااااااااااااااااااااااااااتي

[ابـن نـعـيـس]

المبتدي


الله يسلمك من كل شر


مشكوووووور على تواصلك الدائم


تحياااااااااااااااااااااااااااااتي

[ابـن نـعـيـس]

فيصل المسعودي


يعطيك العافيه


مشكوووووور على تواصلك الدائم


تحياااااااااااااااااااااااااااااتي

[ابـن نـعـيـس]

الدلبحي

وياك وصح بدنك


مشكوووووور على تواصلك الدائم


تحياااااااااااااااااااااااااااااتي