يـــا غـــبــــيــه !!!! للشاعر جابر هايف العتيبي !!!!

[ابـن نـعـيـس]

السلام عليكم ورحمة الله وبركاته

هذي قصيده في غاية الروعه من شاعر احترمه واحترم قصائده وهو المبدع دائما للشاعر جابر هايف العتيبي و اتمنى انها تنال اعجابكم....

دوك .. الحقيقه وأفهميني .. فارقيّ يـا آدميّـه=خلّي .. أبوجهك .؟ حيا وأرجوك حلّي عن سمايا
أنتهى .. عصر الغرام بقيس وليلـى العامريّـه=وأبتدى وقت الخيانه .. وأنتي وأمثالـك ضحايـا
الليالـي علمتـنـي .. والسـلـوم الحنبلـيّـه=مثلك .. أضعيفة عقل وعقل مثلـي بـه مزايـا
ناقصـة ديـن وفهامـه ميّتـه والنـاس حيّـه=ضايعـه بـأول حياتـك .. وانتهيتـي بالبدايـا
التكبـر مـن صفاتـك والطبـاع النرجسّـيـه=والسذاجه والغـرور .. وهمـك الأكبـر مرايـا
تعشقيـن اللـي يهينـك أو يـوريـك الأذيّــه=ومن وفالك تكرهينه .. باغضه صـدق النوايـا
ماتعرفيـن المحبـه خايـنـه منـتـي وفـيّـه=وأن وفيتـي كاذبـه !! وربـي أعلـم بالخفايـا
أعترفلك ! من عرفتـك ! ماعشقتـك ! ياغبيّـه=كيف أحبك وأعشقك وأنتي كـذا ؟ كلـك خطايـا
أعرفيني .. قبل أعرفك شايف هالاشكـال ميّـه=لكن أني ماتأثر في حسـن بعـض .. الصبايـا
أعذريني عـن غرامـك .. وأتركينـي يابنّيـه=وأسمحيلـي ماتشـرف أنـك تكونـي هـوايـا
ما أخون أن كان خنتي شامـخ ونفسـي زهيّـه=أستري نفسـك وروحـي وأكتفـي هـذا كفايـا
أذبحيني . وأحرقي قلب ٍ رفـض طعنـة خويّـه=وأدفنينـي بالحيـا أرحـم .. ولايظهـر رديــا
شاعر ٍ وأجهل مصيري .. وأعرف الدنيا ردّيـه=دوك نصفي . دوك كلي . لمّـي آهاتـي معايـا
وش تبين ؟؟ أخذي .. وردي باقي أجروحي عليّه=وأتركيني للرحيـل أجمـع شتاتـي مـع عنايـا
دوك جرحي .. دوك حزني .. دوك همّي والخطيّه=دوك جابر .. والذنـوب ودوك أبطـال الروايـا
دوك دمي والطعون .. ودوك كبّـدي فـي يديّـه=دوك موتـي والحيـاة اللـي تفنـن فـي بكايـا
دوك دربي من سريتـه .. والليالـي سرمّديـه=دوك نار ٍ تشتعل فـي وسـط جوفـي بالحنايـا
دوك شعري .. يعترفلـك بالحـروف الأبجدّيـه=من مشيت العمر أدري مـن نهايـا فـي نهايـا
حاتميّـه .. هالليالـي .. فـي عذابـي حاتميّـه=ألف خنجر .. وسط صدري وألف رمح ٍ في قفايا
لاتغرّك ضحكتـي فـي ذمتـي .. هـم وأسّيـه=أضحك أقبال البشر والنـار تآكـل فـي حشايـا
سوّد الله وجه حظـي !! بالشقـا مافيـه زيّـه=وسوّد الله وجهك أنتي يوم زدتـي فـي شقايـا

وسلامتكم

التوقيع

[نمر الليل]

بيض الله وجهك يابن نعيس وصح لسان شاعرها اللي عانى معاناة من ورى هالغبــية |14|

[ابـن نـعـيـس]

نمر الليل


الله يبيض وجهك


مشكوووور على مروووورك الكريم


تحيااااااااااااااااااااااااااااااتي

[أبو الوليد]

لاتغرّك ضحكتـي فـي ذمتـي .. هـم وأسّيـه
أضحك أقبال البشر والنـار تآكـل فـي حشايـا
سوّد الله وجه حظـي !! بالشقـا مافيـه زيّـه
وسوّد الله وجهك أنتي يوم زدتـي فـي شقايـا

صح لسانك ولسان الشاعر ..

قصيدة ابداعية بمعنى الكلمة.

التوقيع

https://twitter.com/abalwled عَظيمةٌ أنتِ يـا أرضَ الرسَـالاتِ = يا مهبطَ الوحي فِي خَتْـمِ النبـوَّات أنْتِ السُّعُوديَّةُ العَلْيَـاءُ فِـي شَمَـمٍ = تَعْلُو عَلَى كُلِّ مَنْ تَحْـتِ السَّمَـوَاتِ

[((الدلبحي))]

تسلم وصح السانك والسان شاعرها

تحياااااااااااااااااااااااااااااااااااتي

[ابـن نـعـيـس]

أبو الوليد

صح بدنك


مشكووووور على تواصلك الدائم


تحيااااااااااااااااااااااااااتي

[ابـن نـعـيـس]

الدلبحي

صح بدنك والله يسلمك


مشكووووور على تواصلك الدائم


تحيااااااااااااااااااااااااااتي