أنا عنيدة ؟؟؟؟

[عجاج الليل]

قصيدة حصلتها في إيميلي من شخص عزيز لي علاقه معه من زمان . ارجوا إبداء الرأي فيها .. وشكلها تبي من يرد عليها ونا ماني شاعر بس بسوي عملية إنتحاريه شعريه .. اخليكم مع القصيده .

ظما المحبـة ينتهـي عنـد لقيـاك
يا غايتي يـا فرحتـي يـا مـرادي
عمري حسبته بس من عشت ويـاك
وألا زمانـي قبـل لقيـاك عــادي
نجمة فرحنا تغيـب لا حـل مسـراك
ولا رحت عني يصبح القلـب غـادي
تزورني العبرات من خـوف فرقـاك
وأسهر مع الهوجاس والدمـع بـادي
من كثر ما أنا أجيب للنـاس طريـاك
صار الملا باسمـك حبيبـي ينـادي
حنا كسرنا قولـة " الحـب أشـواك "
وصرنا نعيش الحب والجـو هـادي
يسبح هوانا اليوم مـا بيـن الأفـلاك
لا مـا ننـزل حبنـا وســط وادي
ننثر عبيـر الحـب هنـاك وهنـاك
أصبحت زادك وأنـت لـي كـل زادي
أعيش عمري والأمـل بـس رؤيـاك
وأحيان أشوف الحظ خان اجتهـادي
يجف حبري وأرجع اكتبـك واقـراك
سكنت في أوراقي وعشـت بمـدادي
أنا عنيـدة ودهـا توصـل أقصـاك
بالله قلـي مـن تنافـس عـنـادي
تقول هاتي الحب واقـول لـك جـاك
وتقول أخذي الشوق واخـذي ودادي
الله عطانـي حبـك اليـوم وأعطـاك
وخلا وجودك فـي خريطـة بـلادي
أنساك !! هذا حكي ,, وشلون بنساك؟
ختمت لـك ختـم الغـلا واعتمـادي
أطرب على صوتك إذا قلت لي أهواك
وش عاد أبو نـورة ودقـة عبـادي
واقـول للـي مـا يحبـك وعـاداك
يا كيف قلب مـن الطهـارة تعـادي


ياااااااااااااااااااااااااجر قللللللللللبي .