الأخوان لكم هذه القصيده وأنتم تحكمون على معانيها
موضوعها شهاده لرجل صاحب مواقف عظيمه لكل من يصل له او يطلب مساعدته وهو اللواء ركن/سلطان بن صالح بن ملافخ
لاهنـت ياحـلال صعـبـات الأمــور=الكـايـده عـنـدك تـجـي ياهونـهـا
لامن حضرت تسد عـن كـل الحضـور=ياسـيـد الـوقـفـات يافرعـونـهـا
عجـزت اعـدد مافعلتـه فـي سطـور=والا القصيـده لـك تفـــل قرونـهـا
لبست ذهب نادر وتزهـاهـا العـطـور=مـع قـو معناهـا جـمـال لحونـهـا
تمشي ورا الاحسـاس قـدام الشعـور=لأرسلتـهـالــك كلـهـم يحمونـهـا
ماودي بحقك يجـي منـي قصـور=وانسـا خطـا تلقـاه فـي مضمونـهـا
لـو الثقـه متبادلـه وانــا مـعـذور=أحـرص علـى تثبيـت كـل ركونـهـا
قصيدة اللي ماكتب لأجل الظهــور=والاغنيـا أهـل الـمـال مايشرونـهـا
تليق بك لـو ضيقـت بعـض الصـدور=تزيدهـا طاعـون مــع طاعونـهـا
صدورناسٍ صابها كثر الـغـرور=وقصيـدتي كـحـلٍ يـسـد عيونـهـا
بالحـق تشـهـدلك ولاتشـهـد بــزور=حقيـقـةٍ تنـشــاف ماينفـونـهـا
والله لو أعدد بفزعاتك شهـور=ماوصّلـت واحــد إلـى مليونـهـا
طيبك بـدون حـدود ماهـو بمحصـور=ووقفـاتـك يمـوتـون مايحصـونـهـا
انتـه لـواء ثنتيـن فيهـن مخـبـور=وظيفتــــك والمرجــــله وفنونها
ياجعل قصـرك دوم عالي ومعمـــور =فـي قمتـه يبقـى مايـنـزّل دونـهـا
قصرالمراجل ماتشابه القصـور=ومجالـسـه يـاكـثـر مايلفـونـهـا
وفزعاتك تخلي ظلام الليل نـور=وعنـدك حـلـول الكـايـده يلقونـهـا
بالمختـصـر وانــا مـاالـف ولاأدور=البيـض مثـلـك ماتحـمـل بطونـهـا
تمـت ولاأستغـرب فرحهـا والسـرور=مادامهـا بإسـمـك لـقـت مفتونـهـا
كلماتهـا لولـو مـن أعمـاق البحـور=ويسحـر توافـق شكلهـا مـع لونهـا
تصبح حديـث أجيـال وتخلـد عصـور=وكـلٍ يشيـد بمـقـدرة مجنونـهـا
« آخـــر الـــمـــشـــاركــــات »
23-Nov-2005, 02:53 AM
مهداه للواء ركن/ سلطان بن ملافخ
العرض الشجري