وقــفه مع هاذي الابـــيات !!

[محمدالبرقاوي]

ياللّه يلــي في عبادك تكفلــت = متكفل ٍ في رزق خلق ٍ خلقتــه
عليــك يارب الخلايــق توكلــت = سبحانـك انت الواحد اللي زهمتـه
من بعدها على القصايد تهيضت = هيضت قول ٍ بالمعرفه نضمته
مع الهواجيس اندمج وألزم الصمت = الهاجس اللي بالضماير كتمته
اسج بأفكاري لمني تعــقدت = واللــي يعقدني زمان ٍ شاهدتــه
عز الله اني من زماني تعجبت = ماكان يخفي الوقت توّي عرفته
شفت الردىِِ في الاصدقه يوم فكرت = ياكم صديق ٍ لي عرفته وعفته
وياكم صديق ٍ في حباله توهقت = من بعد ما شاهدت فعله تركته
كنت احسبني للصداقه تخيرت = واحسبني بالمعرفه كسبته
ولا دريت اني بعرفه توهقت = اثر الردي يمشي معي مافهمته
وغيره كثير في رداهم تمشكلت = اللـي صداقتهم كلام ونكته
دنيا التجارب علمتني وجربت = وبعض العرب ماهمني لوسفهته
وان لحقني منه كلام تحملت = لاجل الغلا في قدرغيره قدرته
ولا الردي لو اتركه ماتندمت = وأذا دخل في مجلس ٍ ماعتبرته
وياكم صديق يوم شفته تبشرت = واعتز به في مجلس ٍِ لاذكرته
صديق وجهه يبتسم لي لقبلت = وانرحت ينشر بالحكي بعض صمته
يضحك وانا جالس ويحكي ليا قمت = لاقمت زوّد في كلام ٍ هرجته
وانا بعد ماهمني لوتكلمت = راسي على درب المعالي عصبته
ابي انصح اللي عاقل بعد ماشفت = أختر صديق ٍ ينثني الليا زهمته
أختر حزام يجمّلك لا تحزمت = ترى الردي ما ينفعك لو مدحته
اقصــد أهل الطولات لامنك عزمت = وأقصد شلّي تعرفنك كسبته
لاتنخدع في مظهر الثوب والبشت = ترى العوج مايعتدل لو عدلته
لو تمدح المعقود ماقال لاهنت = وضيــع معروفك لو أنك بذلته
وانا بدوري قلــت للمحسن احسنت = والفتل من بعض المواقف عذرته
وصلاة ربي عدّ مالشمس طلعت = على الرسول محمد اللــي ذكرتـه

[((الدلبحي))]

اولاً ياهلا وغلا فيك في منتدى الهيلا

ثانياً تشكر على القصيده صح السانك والسان شاعرها

تحياااااااااااااااااااااااااااااااااتي

[فهيد مقعد الرويس]

سلمت يالبرقاوي

وفي انتظار الافضل

تحياتي

[ابـن نـعـيـس]

لاهنت يالغالي

ويعطيك العافيه

وياهلا والله ومرحبا


تحياااااااااتي

التوقيع

[محمدالبرقاوي]

تسلم اخـــوي الدلبحي

وشاكر لك على المرور الكريم

[محمدالبرقاوي]

الله محييــك اخوي المبتدي

على الحضور المشرف

[محمدالبرقاوي]

هلا بــــــك اخــــوي ابن نعيـــــس

تسلم على الحضور المشرف

ونورتنا بزيارتك

[فيصل المسعودي]

تشكر على نقلها يالغالي


وصح لسانك ولسان قائلها


تحياتي

[محمدالبرقاوي]

هلا وغـلا بك اخــــــــوي فيصل المسعودي

نورتنــــــــــــا

تسلم على الحضور وونورنا ياغالي

[معــ المرقاب دي]

الله لا يهينك

على الابيات وصح السانك



تحياتي