القصيده للشاعر بديوي الوقداني

[مطلق الشيباني]

بديوي الوقداني
[poet font="Simplified Arabic,5,black,normal,normal" bkcolor="transparent" bkimage="" border="none,5,gray" type=2 line=350% align=center use=ex length=0 char="" num="0,black" filter=""]

دنياك هذه كلها هز قاووق"=" ما تعرف الصاحب من اللي معاديك
اكثر كلام الناس بالمكر والبوق"=" يهرج معك واليا تقفيت يرميك
المال دايم صاحبة مرتفع فوق"=" والقل خايب لو ترفعت يرميك
عزي لمن دور لها عند مخلوق"=" إما بخل ولا منن يوم يعطيك
أوصيك بالطيب إذا كان لك ذوق"=" أرمه وراك ولازم إنه يلاقيك
يا عبد هون كل مطرود ملحوق"=" لا تشتحن لك رب ما هو مخليك
اللي جعل لك روح جاعلك مرزوق"=" كما تكفل بك من الخلق كافيك
يعطي وباب الرزق ما هو بمغلوق"=" واليا طلبته ونت محتاج يعطيك
الرزق له حسبه وله وقت مطلوق"=" وان مت ظلا عند قبرك يناديك
والموت جايك لو تقع جوف صندوق"=" دع عنك مابك من حذر لا يعنيك
لا تشتغل بالمال والمال ممحوق"=" ما مالك إلا ما تمده أياديك
إن كان مالك يافتى ضيق السوق"=" تراه عند الموت ما هو منجيك
الجار والعاني لهم شرط وحقوق"=" والضيف واجب تكرمه يوم يأتيك
وإن كان تبغي تأخذ المدح مطبوق"=" خلك مشمر دون ضيفك وعانيك
صون الامانه واظهر الهرج بصدوق"=" ولاتعاشر صاحب البوق يعديك
لا تصحب الخاين ولا تأمن النوق"=" وان لاح براق الحيا عذرت فيك
والدرب لاتامن ولو كنت مرفوق"=" إلا بحد في يمينك يباريك
أترك طريقة كل عاشق ومعشوق"=" ترمي بروحك في الشرك ثم يرميك
والكلب ما يتبعك لو تلبسه طوق"=" وإلا خلاخيل الذهب ما يراعيك
وبالصبر تغلب صاحب العزم يا شوق"=" والعزم طيب مير حزات يرميك
وافرح آليا منك عن الشر مدروق"=" واحذر صديقك واحذر اللي يواليك
هذا كلام الصدق ما هو بمسروق"=" وابيات يا قلبي بناها يسليك
من هاجس يطمي كما بحر صافوق"=" أحذر على القلب الشقي يوم يطريك
يارب تجعلني من النار معتوق"=" واجعل ختامي طيباً يوم ألاقيك
[/poet]
مع تحيات مطلق الشيباني

[الصنهاتي]

شكرا أخي مطلق على نقل هذه القصيدة الرائعة لشاعرنا الرائع بديوى الوقداني رحمه الله .

[أبومشعاب]

الاخ مطلق الشيباني

تسلم ولاهنت على أختيااااااار هالقصيده الراااااااائعه التي تكفي عن مليووون قصيده

لانهاااااا لشااااااااعر عتيبه الاول الشاعر الرااااائع بديوي الوقداني وقصيده كلها درر

وحكم والله لايهينك يالشيباني..

دمت وداااااام توااااصلك..

[مطلق الشيباني]

مشكووووووووورين على مروركم الاكثر من رائع وسلمتم ولا هنتم

وأتمنا ان اتي بالجديد........................................... ......

اخوكم :- مطلق الشيباني

[^المقاطي^]

شكرا يامطلق والله تعجبني القصايد بالنوع هذا
وجزاك الله خير

[مطلق الشيباني]

لا شكر على واجب يابن العم ولا هنت على هذا المرور الاكثر من رائع

مع تحيات :- مطلق الشيباني

[ابن مشيب]

مشكور ياخوي مطلق الشيباني , ويعجبني فيك ذوقك , ماتجيب غير الرائع والمتميز والمفيد , ومانقول غير بيض الله وجهك وكثر الله من امثالك.



تحياتي:
ابن مشيب...........الشيباني العتيبي.

[مطلق الشيباني]

مشكوووووووور على هذا المرور وهذا من ذوقك يابن العم

ابن عمك واخوك :-.....مطلق الشيباني.....