متعب ..

[أبو فيصل]

السلام عليكم ورحمة الله وبركاته...

قصه وقصيده واقعيه ، حدثت لأحد الشباب
تقول القصه وعلى ذمة الرواي ، انه هذا الشاب واللي اسمه متعب كان يسوق سيارته ومعه خويه ، وفي سياره ثانيه كان أخوه وأمه وأخته ، كلهم متوجهين الى منطقه ثانيه لزيارة أحد أفراد العائله ، متعب كان يسوق كامري ، أسرع متعب وأختفى عن أنظار أخوه الاكبر اللي كان يسير خلفه ، وماهي الا لحظات حتى سمعو صوت حادث سياره مدوي ، وصلوا الى مكان الحادث فاذا بالسياره ومن فيها تحترق ركضت الأم والأخت نحو متعب حاول الاخ الأكبر منعهم لكن دون جدوى
المنظر مؤثر بالتأكيد... الأخ والأم والأخت يشاهدون أخاهم يحترق حتى الموت هو وصديقه أما أعينهم وهم عاجزين عن عمل أي شي ، نسأل الله الثبات .

الأخ الأكبر لمتعب كتب هذه المرثيه يقول فيها:

متعب تراك بخاطري مقدر أنساك=اللي دفنتك وسط بـدر العشيـه
أنسى أنا نفسي لا حـل طريـاك=تذرف دموع العين غصب(ن)عليه
أذكر أنا مجلسك وأذكر سجايـاك=زين الخصال وزين طبع وسجيه
وأذكر علوم(ن) لك وأذكر حلاياك=وأذكر بسمتك يوم تطري عليـه
وضحكتك يوم ودوم تعلو محياك=قرم (ن)كريم(ن) منت راعي رديه
يا ما تجي وتروح وحنا انتظرناك=ولاشفت زولك جاتنـي أريحيـه
وآخر لقانا بالفطور الصبـح ذاك=تضحك وتمزح يا خليلـي عليـه
يا ليتني بالكامري قبل ممشـاك=وتصير نفسي دون نفسك ضحيه
ويا ليتي نار(ن)ولعت في حشاياك=شبت بجسمي وأتركتـك المنيـه
في وقت دفنك أتسلـى بذكـراك=علّي أوقف دمع عينـي شويـه
رجعت يم البيت أبحث عن خطاك=وبعد الشفا ترجع جروحي نديـه
أروح للغرفـه وظنـي أبلقـاك=علي أسلي عيني ...بعدك شقيـه
في غرفتك أجلس وأناظر هداياك=وسط الملابس فيه ريحه زكيـه
وادعي اله الكون يا رب رحمـاك=ترحم حبيب(ن)لي وترحم خويـه

نسأل الله أن يتغمده بواسع رحمته وأن يلهم أهله الصبر والسلوان....

التوقيع

لا إله إلا أنت سبحانك إني كنت من الظالمين

[فيصل المسعودي]

الهم امين


الله يرحم متعب ويسكنه فسيح جناته


قصه محزنه


وقصيده كذلك محزنه ومؤثره


تحياتي يافهد

[((الدلبحي))]

الله يرحم متعب ويسكنه فسيح جناته

قصه محزنه وابيات تعبر عن الم وحزن


تشكر ياغالي على الطرح المتميز


تحياااااااااااااااااااااااااااااااااااااااتي

[فواز الشيباني]

الله يرحم متعب ويسكنه فسيح جناته

اخوي فهد الله يعطيك العافيه

تشكر ياغالي على الطرح المتميز

[غشام نجد]

	اللهم يرحم متعب وصاحبه يسكنهم فسيح جناته قصه موثرة وقصيده معبرة مرثيه صادقت المشاعر تحياتي يافهد

[طراد]

الله لا يهينك يا بعد حي
ويرحم اموات المسلمين ويعين اهلو

ونتمنى من الشباب والمراهقين واصحاب الكامريات الاتعاظ والاعتبار
من هذه القصص والنهايات الحزينة المؤلمة

[أبو فيصل]

فيصل المسعودي

الدلبحي

فواز الشيباني

غشام نجد

طراد

ألف شكر لكم على مروركم الكريم

تحياتي