ماذا كنت تكتب على طاولتك في المدرسة؟

[ابن مجيول]

ماذا كنت تكتب على طاولتك في المدرسة؟! |190|

كل واحد يدخل يكتب لنا إذا يتذكراي شي كان يكتب على طاولة المدرسة |194|


لا تقولون كانت طاولتكم نظيفة اللي يكتب اشعار واللي يرسم ويظهر مواهبه و اللي |177|

يكتب البراشيم عليها اعترفوااااااااااااااااااااا |192|

[أبو فيصل]

ههههههههه

الله يرجك يابن مجيول

والله ياكثر ماكتبنا

لكن البراشيم و الله مااذكر أني كتبت على الطاولة الا مرة وحدة و أيام الكليّة بعد >>> مادشر الا بعد ماكبر

لكن من ضمنها ( الشيباني ) وكثيــر >>>خل الطابق مستور خخخخخخ

يعطيك العافية يابن مجيول

تحياتي

التوقيع

لا إله إلا أنت سبحانك إني كنت من الظالمين

[أبوصنيتان]

الله يذكر ايام ثانوية الدوادمي بالخير



والله كنت اكتب على الماصه

روحي ددسني مغيم بين الحواري مكيم


.


الروقي 2000


.


الدوادمي في عيوني والباقي مايهموني



.












وبس هذا اللي كنت اكتبه واكتب بعد ابيات كسرات وشعر















تحياتي

[أبو صقر]

موضوع محرج بعض الشيء لبعض الشباب

لكن انا وبصراحه كنت اغش من البرشامه نفسها ماكنت ابرشم على الطاوله
وماخليت قصيده لفهد بن سعيد وحيد الجزيره وبدر الليمون وفهد عبد المحسن وغيرهم من الفنانين الشعبيين
وبعض الحكم والأمثال الا وكتبتها على طاولتي وكتبي والطاولات اللى بحذاي ومن الأبيات التي تحظرني الاّن...

لفيتني لف الورق بيد حشاش
اللي بجو الكيف عاصر وعاشي
وصلبتني صلبت هل الحكم لرشاش
يوم صلبوه وناظره كل ماشي ....

محلاك لولا فيك كثر التغلي
ارفق بحالي طالبك يبن الأجواد...

وش الله مكلفني بحبٍ تاليه فراق
بدور بارض الله وليفن يسليني ....

اللي يبينا عيت النفس تبغيه
واللي نبيه عي البخت لايجيبه.....

الزين زين لوقعد من منامه
والشين شين لو يغسل بصابون.....

وش بلا الدنيا تفرق ماتلم
كل يومن تاخذ وتمحا حبيب ......

واهني اللي من العقل محروم
معرف نار الجفا وحراقها
مستريح البال محدن له يلوم
عنده الدنيا سواوفراقها.......

وغيرها الكثير كما قلت .لاتؤاخذوني هذه حال المراهقين ههههههههههههههههههه

[فواز الشيباني]

كنت ارسم وجه المدرس وهو يصحح الد فاتر ههههههههههههههه الله يرجك هاهههههههههههههههههه

[فهد الفهد]

السلام عليكم ورحمة الله وبركاته


انا مااذكر الا كلمتين اي طاوله في اي عام دراسي جديد اكتبها وبعد كذا عرفوا انه انا لاني على نفس المدرسه والكلمات هي : الزلفي ، وعتيبه
فقط

تحياتي

[روقي الجمش]

السلام عليكم ورحمة الله وبركاته :
أخي وصديقي بن مجيول .
زمان فات وكيف واحد يتذكر ما كتب على ماسة المدرسة في تلك الأيام وكنا في ذلك الأيام أطفال ترهبنا المدرسة
ويرهبنا المعلم وهو يلبس البنطلون . على كل حال أنا لم أتذكر شيء في ذلك الوقت لأن قرية لم يوجد فيها لاكهرباء ولا ماء وكانت المدرسة في ذلك الوقت مبنية من الطين واللبن . والسلام ـ

تقبــــــلوا تحيــــات / روقي الجمـــش .

[!!المقاطي!!]

السلام علاكم
والله ياكثر ما كتبنا في ايام الثانويه بس اهم شي كنت اكتبه (المقاطي)
واكتب (الموت هيبه والعز لعتيبه ) وابيات مؤالفه من راسي
وكنت ارسم ددسن مغبره والله رسم مووووووووووت

[ابن مجيول]

اشكر اخوني جميعاً

واقولهم كل عام وانتم بخير

اخوكم/ ابن مجيول

[ابو وضاح]

ااااااااايييييييييه

الله يرحم أيام المتوسطه و الثانويه ...

والله يرحم طاولاتها و جدرانها ...

<<< خويكم حتى الجدران ماخلاها هههههههههههه

ابن مجيول بموضوعك ذا تبينا نطلع الغبره الي أول هههههههههه

مير تدري ... خذ الشخاميط هذي

_ حنا عتيبه لازعلنا سكرنا .. نسكر بلى خمر نسكر شجاعة
_ العتيبي ( وبخط عريض ) وكان لي توقيع خاص وهو (( متعصب العتيبي ))
_ طبعاً ما خليت لا ماصه و لا كرسي الا كتبت أسمي الثلاثي من باب حجز و هياط بعد
_ والبراشيم بعد خلها على ربك ..
_ وأشعار غزل وكسرات ( وتعرفون وش بداخل الكسرات من ابيات وسخة ) الله يغفرلنا بس ..
_ والنصر يوووووه يا فريق النصر أول ، كنت ارسم خريطة المملكه و بجوفها النصر بالسبوره والماصه ..

وهذا ما بجعبتي من ماضي سيء و الخافي أعظم ..


وما قصرت يا ابن مجيول على موضوعك المرح

لك خالص تحياااتي