الجبال السود

[القطامي]

بسم الله الرحمن الرحيم

قصيدة غزلية نتاج مشاعر صادقة لا تعرف الزيف

اهديها لقراء المنتدى وأعضائه .



أنا لو شكيت الهم للنايفات السود

جزت عن مواطنها وخلت مواقعها

غريبة همومي يابدر كل يوم تزود

تهافت على جاش ٍ لقتبه مراتعها

من أسبابها صرت أنتظر حتفي الموعود

عجزت أنطح الدنيا وأكابد مواجعها

أقاسي عذاب البين من يوم أنا مولود

وتخبر دفاتر ذكرياتي مراجعها

جروح ٍ لجت في وسط جوفي عليَ شهود

جميع البشر يابدر سمعت تخابعها

وتشهد عيون ٍ ساهرة والعباد رقود

نوامل يديني ماتكفكف مدامعها

حمولي ثقيلة يابدر والبخت مقرود

حشا ماتخففها لحون ٍ نرودعها

لو إن البخت قايم جذبلي نعيم العود

أبو شامة ٍ تسحر عيون ٍ تطالعها

حياتي بدونه ضايعة ما لها أية فود

حياة السعادة في يدينه طوابعها

لك اسندتها الشكوى بعد ربنا المعبود

لعلك تزيل أمرارنا اللي نجارعها

لعلك يابو فايز معي تبذل المجهود

تجيني بمن في قلبي النار ولعها

تجيني بها غصب ٍ على الناتب الحاسود

أبيها دقيقة وحدة ثم أوادعها

لأني وثقت إن القدر قدمنا مسدود

ولكن أبيها تأخذ أسرارها معها

وأبيها تناظر يا بدر وش جرى لسعود

تشوف الضلوع اللي هواها مشلعها

[مرزوق حمدان العتيبي]

...
.

ابداع يالقطامي
سلمت وصح لسانك ...
سجل اعجابي ومتابعتي لكل جديدك ...
اخوك

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[((الدلبحي))]

صح السانك

ماقصرت


تحيااااااااااااااااااااااااااااااااااااااتي

[القطامي]

شكرا اخوي مرزوق واخوي الدلبحي على المرور
وصحت ابدانكم

[ابوخطاف]

ابداع يالقطامي وقصيده جزله وننتظر من الجديد

[سفر الغبيوي]

أبيات حلوه يالقطامي

صح لسانك ودام ابداعك

لك تحياتي

[فيصل المسعودي]

رائعه حقا يالقطامي


صح لسانك يالغالي


تحياتي

[ابـن نـعـيـس]

صح لسانك

ولاهنت


تحياااااااااتي

التوقيع

[نايف الحويماني]