أقفا عن الدنيا وقفت ركايبــه ( مرثيـه)

[سفر الغبيوي]

مرثيه في والدي رحمه الله رحمة واسعه وأسكنه فسيح جناته

بسم الله الرحمن منشي مخايله=بديت بدع القاف وأنقى جزايله
أبدع غزير القاف وأرفع مقامها= وأمس طنب البيت وأركز بتايله
وأقول يالمخلوق دنياك فانيه=لو شفتها بالعين يالعبد هايله
مادامت الدنيا ولا هيب دائمه=وأعمارنا لو طوّل العمر زايله
تضحك لك الدنيا بالأقبال ثانيه=وساعات تحذف بك بحامي صلايله
واليا أقبلت باليسر لاتنخدع بها=حذراك منها لاتصيدك حبايله
وإن أدبرت خلك صبور لبأسها=إصبر على كيات حامي ملايله
إصبر على صكات بقعا ولو هي= كبر الجبال السود ماهيب طايله
ماقدر المولى على العبد شايفه=هاذي مقادير وربي يكايله
مايأخذ المخلوق مقدار ذرّها=من رزق غيره لا ولاهوب شايله
في لوحك المحفوظ رزقك كتب بها=وتكتب به الأعمال دق وجلايله
من يأمن الدنيا طوته بمحالها=أقولها والعين بالدمع سايله
تسكب عبايرها على غايبٍ لها=بعيد الضحيه مات وأقفت رحايله
أقفى عن الدنيا وقفت ركايبه=ولا رافقه بالقبر الا حصايله
مات ورحل والنفس زادت حزونها=والقلب زادت بالمحاني غلايله
وضاقت بي الدنيا وضاقت فجوجها=ولا عاد تسوا حبة من نثايله
وأعذرت بالأموال والحور والضنى= وأعذرت بالمأكل وصافي زلايله
لاشك ماتنفع ولاهيب مانعه=ولحدن يرد الموت لاأطلق نصايله
اليا رماك الموت بالسهم صايبك=ماتخطي سهومه ولا هيب عايله
ولحدن يموت الا بيومه وساعته=مذكور بالقرآن والرب قايله
يالله طلبتك ياجزيل الوهايبي=يالواحد اللي ماتعدد فضايله
طالبك يالمعبود يالواحد الذي= تملك مالا نملك وعندك جلايله
ترحم عريب مات وأقفت ضعاينه=عنا توارت مابقى الا فعايله
اليا بغيت أحصي فعوله وأعدها=يعجز لساني ماتعدد عمايله
منها ولي العرش بالفعل طايعه=مدّن فروض الله ليل وقوايله
وللوالدين مطيع والرب شاهدي=وتشهد على قولي سلايل قبايله
ويمناه بالخيرات دايم يمدها=في مدت الجزلات تندى شمايله
يعطي ولا يتبع عطاياه بالمنن=والجود دربه واضحات دلايله
ومنها لجار البيت صاين كرامته=الجار عينه عورته ماتخايله
ولا يوم جاله يشتكي من مشاكله=هاذي موار الطيب وهاذي شعايله
ومنها ضيوفه لا لفت له ركابهم=يضحك لهم قدام يبدي مسايله
يكرم ضيوف الله هاذي عوايده= يكرم مساييره بكبش وحايله
ومنها قوي البأس وقت الشدايدي=لا هبت النكبا وثارت فتايله
ماهوب عنها ينثني مايهابها=يوم إن ولد اللاش تنضّح صمايله
ومنها حكيم الرأي كلٍ يشاوره=له كلمة بالحق ماجات مايله
يحل عسرات العظايم وكودها=يحلها لوهي من أثقل ثقايله
هاذي فعايل كاسب الجود والثنا=هاذي رموز وباقياتٍ جلايله
ماأحصيت كل أفعال هداج تيما=نبع الوفا الفوار ملياً عدايله
وصلاة ربي عد ماامطر سحابها=واعداد نجم عاليات نزايله
على النبي الهاشمي سيد البشر=والآل والأصحاب وأيضا سلايله

[ابـن نـعـيـس]

صح لسانك اخوي سفر



والله يرحمه ويسكنه الجنه




تحيااااااتي

التوقيع

[((الدلبحي))]

صح لسانك يا سفر



والله يرحمه ويسكنه الجنه




تحياااااااااااااااااااتي

[سفر الغبيوي]

الأخ بن نعيس
الأخ الدلبحي

أشكركم على المرور وجزاكم الله خير

تحياتي لكم

[فيصل المسعودي]

صح لسانك ياسفر


والله يرحم الوالد ويسكنه فسيح جنانه


تحياتي يالغالي

[صـويب الرمـــش*]

صح لسانك يالغالي ,, قصيده تستااهل الشكر
والله يرحم والدك ويرحم اموات المسلمين وأسكنهم فسيح جناته

[{{ الـــــمــــرشـــدي }}]

صح لسانك يا سفر



والله يرحمه ويسكنه الجنه




تـــــحـــــيـــــاتـــي.....

[سفر الغبيوي]

الأخوان

فيصل المسعودي

صويب الرمش

المرشــدي

أشكركم على مروركم

وصحت ابدانكم

ولكم تحياتي

[بندرالجعيد]

عظم الله اجرك ورحم الله موت المسلمين

[غشام نجد]

	صح لسانك اخوي سفر والله يرحمه ويسكنه الجنه انه سميع مجيد تحيااااااتي