تلعب على حظي بحبلين - الهيـــــــــــــلا *** منتدى قبيلة عتيبة

فواز الشيباني · 28-Sep-2005, 10:34 PM

قالوا تزوج قلت بعدين !!
...... خلوني القى لي وظيفه

قالوا بتلقى قلت ومنين
...... أبطى سعد يرهي بسيفه

قالوا تزوجها من الدين
...... كم جايع يقسم رغيفه

قلت العفو من كامل الزين
...... دنياي ودروبي مخيفه

تلعب على حظي بحبلين
...... والباقي احلام سخيفه

حلم تعلّق بين جفنين
...... لانمت صحّاني نزيفه

وحلم يقابلني بوجهين
...... والثالث يخبيه ،، شيفه

ماهمني لو عشت يومين
...... من ماضي ايامي مريفه

ولا انحنى للعين رمشين
...... اخفي بها احزان كثيفه

ولا انكتب في الفرح سطرين
...... واعطى من اشعاري هفيفه

أمسي وقلبي نازح البين
...... واصبح وقلبي بـ الحسيفه

كم لي وانا اقسمها على اثنين
...... دنيا ،،، بقسمتها كليفه

لو قرّت الدنيا لقلبين
...... ماقرّت لقلب ووليفه

للشاعر سعد

ملطوش الله يغفرلي