السلاام عليكم ورحمة الله وبركاته
كل التحايا العاطرة مني لكم .. وكل الاماني الطاهره . . .
احببت ان اضع هنا قصيدة اسندها لي
ابن عم واخ عزيز على قلبي كثيراً هو الشاعر نايف المقاطي
استاذي الذي تعلمت منه الكثير والكثير ...
بعد ان حدث ذات يوم معمعه في منتدى من المنتديات
وقف معي نايف وقفة الرجل الذي لا يمل من الجميل . . .
حينها كتب هذه القصيدة /
قال المقاطي يوم غنا بـا لامثـال=واختـار زينـات المثايـل وغنـا
غنا بقاف يشرح الصـدر والبـال=مثايـل مـن هاجسـه يطربـنـا
الى نصيت اختر من القوم رجـال=ترى الرجال اشكال منهـم ومنـا
ياليت كل مشـارك يصيـر فعـال=مثل ابن عمـي زود النـاس فنـا
مخلص ولا يسمع في حاسد وعذال=حتى يطيـب لخاطـره مـا تمنـا
لعل يفدونه مـن النـاس الانـذال=ويفداه من خضـب كفوفـه بحنـا
يا مالنا في قمـة المجـد منـزال=وياما على روس المعالـي مكنـا
حنا عتيبه يوم صوكـات الابطـال=نزعل ونرضي غيرنا من زعلنـا
من لابت تعرف لها دور وافعـال=منا يخـاف ويامـن اللـي زبنـا
صلاة ربي عـد مـا هـل همـال=وعـدة نجـوم فـي سماهابدنـا
على نبي كـان للحـق مرسـال=اللي على هديـه ودينـه عملنـا
صح لسانك يا ابا بدر . . .
******************************
بعدها اخذتني الجرئة للرد على قصيدة الجزلة
فقلت وكلي خجل من تواضع بوحي /
غنّا الثبيتي يومهـا قيـلٍ وقـال=هاجس يهوّن ونـة اللـي يونّـا
الهاجس اللي ما تعدّى ولا مـال=دندن به الفيصل ليـا بـاح دنّـا
الوقت هذا من ردى حال في حال=والناس تفهم زنّـة اللـي يزنّـا
يا ولد عمّي ما نبا ريال بريـال=الرجل فينـا للـردى مـا تعنّـا
يا ابو بدر حنّا على مرّ الاجيـال=مهما يظن ابنا العدو مـا يظنّـا
وانته على اللي اذكره طيّب الفال=ما تلتفـت للـي يـزن ويحنّـا
منك الجمايل كنّها بحـر الآمـال=ما تلحق المعروف كبـر ٍ ومنّـا
انا اشهد انك للمشاكيـل حـلال=وقفتك مع فيصل كما كيف بِنّـا
تسمح وتغفر والكرم منك منطال=صابر على جور الزمان افوطنّـا
دايم تردد طه .. مريم .. والانفال=عساك دايم تلحِق الفرض سِنّـا
صلّي على محمد من الجال للجال=والله يسامح مـن تمنـى غَبنّّـا
ابناء عمّي .. يعلم الله اني لم اطرحها إلا لأني ابحث
عن النقد الهادف .. الذي اتمنى لو يطوّر من شاعريتي المتواضعه
واسعد اللحظات اتمناها لكم . . .
فيصل الثبيتي
« آخـــر الـــمـــشـــاركــــات »
16-Sep-2005, 09:01 PM
نايف المقاطي .. و .. فيصل الثبيتي
العرض العادي
