مثل ناسٍ محبتهم فضيحه

[قاطع طريق]

	انا ما ازهم ولا يزهم عليّه = مثل ناسٍ محبتهم فضيحه أحب اللي سواليفه خفيّه = خفيف الدم ابو نيّه صريحه ألا يازين ياكبر الخطيّة = تشفقني لياليك المليحه عليك ابدع لحونٍ سامريّه = معانيها على حبك صحيحه وانا قلبي معك صبح وعشيّه = و روحي منك ما هي مستريحه ليا شفتك سقط ما في يديّه = أفز لشوفتك واصعق بصيحه أموت ان كان ما تنظر إليّه = بنظرة عطف للناس الجريحه غشاك الملح و زياده شويّه = على فرقاك ما اسمع للنصيحه عيونك سود حوريه جريّة = وفي جسمك من الريحان ريحه ألا يا اسمر ترى النيه مطيّة = تبي تكسب على هجري مديحه تفاجيني بحجه جاهليّه = تدش حمى هواي وتستبيحه تعديت الحدود وبرت فيّه = ورى نفسك على نفسي شحيحه خلف بن هذال