بدوي يختبـــر خاطـــب بنـتـه

[فواز الشيباني]

بدوي يختبـــر خاطـــب بنـتـه

--------------------------------------------------------------------------------

نزل أحدهم على بدوي ضيفاً يريد الزواج من ابنته فقال له البدوي :

: أنا عندي لك يا ضيفنا العزيز أسئلة إذا عرفتها زوجتك البنت , أنت مستعد

الضيف / تفضل .

: البدوي / وش الشيء اللي يضرك إذا أرتفع وإذا أنخفض

الضيف / هذا الله يجيرني وإياك والعروس ... مرض السكر والضغط .

البدوي / : ما لك لوا ... هذا سعر البترول .

طـيـب ... من هو اللي يصلي النافلة ويترك الفرض

الضيف / المجنون :

: البدوي / صدقت ... هذي الموظفة اللي تخدم الناس
وتضيع زوجها وأولادها وبيتها طيب ...



من هو الملك اللي نزل من عرشه وضيع شعبه وأشتغل سوّاق

الضيف / هذا سؤال صعب

: البدوي / أبداً هذا بسيط للي يعرف الواقع ...
هذي الحرمة اللي تشرد من بيتها وتطالب بسواقة السيارات

وش الدولة اللي فيها رئيسين

الضيف / ما فيه يا عمي حتى الملعب وهو ملعب
ما فيه إلا حكم واحد وعنده مساعدين

: البدوي / شفت إنك ما أنت داري بشي ...
هذي بيوت اللي ينادون بمساواة المرأة بالرجل.


طيب ... إذا بغيت معنى كلمة عربية وين تدور عليها

الضيف / في لسان العرب أو القاموس المحيط .

: البدوي / ما عندك سالفة ... بوش على الذمة
ما تشوف كيف فسر لنا كلمة " إرهاب " وكل العالم وافقوه عليها

الضيف / أجل , الله يستر لا يجي اليوم اللي يفسر لنا فيه
معنى التوحيد والإسلام

: البدوي / طيب ... وش الوردة اللي ما تستخدمها إلا إذا ذبلت

الضيف / أصلاً إذا ذبلت , ما عاد يصير لها قيمة

: البدوي / صحيح ... هذول بنات هالأيام ,
البنت ما تتزوج فيهن إلا بعد ما تكبر
ويروح شبابها وهي تطرد ورى هالسراب
اللي يسمونه المستقبل


طيب ... منهم الأبرياء اللي يجوز قتلهم

الضيف / ما فيه .

: البدوي / هذول ... المسلمين ،
ما تشوف لما قتلتهم أمريكا في أفغانستان ،
والعراق قالت حنا ما يمكن نقضي على الإرهاب إلا بقتلهم ،
وافقهم العالم كلّه حتى المسلمين ، .

إييييه ... الظاهر يا ضيفنا العزيز إن ما لك نصيب
في البنت لأن ما عندك (( فقه بالواقع ))



وبعدين البنت باقي تدرس وعمرها لا زال 35 سنة
وباقي توها صغيرة على الزواج



8
8
8
راحت عليه العروس
إني وإن كان الأخير زمانه
----------- لآت بما لم تستطعه الأوائل
ملطوش

[ضاري]

اييييييييييييييييييييييييييييييييييييييييييييييييي يييييييييييييييييييييه هذا بلا ابوك ياعقاب



لو كل معرس مر بذا الامتحان ما اعرس احد لكن الله يسلمنا من الشياب المثقفين بفقه الواقع

[النمر الروقي]

بس الصحيح ان هالشايب البدوي ثقافته واسعه

وعنده معرفه ( بفقه الواقع ).

خاصة الشيء اللي يضرك اذا ارتفع وأذا انخفض .!!!!

[فواز الشيباني]

اخي ضاري الف شكر لمرورك

[فواز الشيباني]

النمر الروقي يعطيك الف عافيه يغالي

[فيصل المسعودي]

هذا والله العود العله


هذا ولا امتحان الوزاره وشامل


اقتصاد دين ثقافه جميع المجالات

صدقت ياضاري لوكل معرس يبا يجيه مثل هالامتحان كان محد اعرس


تحياتي يافواز

[النافذ]

الاخ فواز الشيباني

اثرك سياسي وان مادري
طيب ... إذا بغيت معنى كلمة عربية وين تدور عليها

الضيف / في لسان العرب أو القاموس المحيط .

: البدوي / ما عندك سالفة ... بوش على الذمة
ما تشوف كيف فسر لنا كلمة " إرهاب " وكل العالم وافقوه عليها

الضيف / أجل , الله يستر لا يجي اليوم اللي يفسر لنا فيه
معنى التوحيد والإسلام

حلوه ورب الكعبه حلوه

[ابو ضيف الله]

هذا والله البـدوي العـصـري
كـفـانـا الله شــــره وشــــر أمثــاله


وسلمت يا فـواز على هذه المشاركة الجميلة

التوقيع

قال الشافعي رحمه الله: أركان الرجولة أربع: الديانة والأمانة والصيانة والرزانة. قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة. اللهم أنصر من نصر الدين وأخذل من خذل الدين

[فواز الشيباني]

اخي النافذ الف شكر لك ياغالي

[فواز الشيباني]

اخي ابوضيف الله مشكور ياغالي على مرورك الكريم