مساكم الله بالخير جميعا
هذه اول محاوره للشاعر الجماهيري / حبيب العازمي وكانت امام الشاعر الكبير / صياف الحربي في برنامج حياة الباديه البادية على القناة الاولى وقد اثبت شاعرنا مقدرته الشعريه امام هرم شعراء القلطه من خلال الابيات التاليه :
صياف الحربي :
جانا ببرنامج حياة البادية شاعر جديد = يامرحبا باللي على درب الشرف سار اقدمه
يالعازمي ليلن رمى بك عندنا ليل شديد = لكن اظن الذيب تال الليل يفتح لك فمه
ــــــــــ
حبيب العازمي :
ماجاكم إلا خصمكم والله يدبر مايريد = واما القضا والحق يقضي فيه قاض المحكمه
انا حسبت حساب وقتي من قريب ومن بعيد = واليا لقيت الذيب اسمي باسم ربي وارجمه
ــــــــــ
صياف الحربي :
حنا رجال ولا يخوفنا كلامك والوعيد = ومن لا يعرف العلم بالعلم الحديث نعلمه
تراك لا ذالحين ماعلمت بالعلم الاكيد = اقلط على سبع الخلا يلزمك والا تلزمه
ـــــــــ
حبيب العازمي :
انتم رجال وكل رجال يفيد ويستفيد = ماحدن يعلم عالم يقرا ويكتب بقلمه
ما اخاف من سبع الخلا وانا معي سيف حديد = واللي يجي من تحت حد السيف الابيض يقسمه
ــــــــــ
صياف الحربي :
ياكثر ماتجمع وتحسب مار مدري وش تصيد = لا حضروا الكتاب طلع علمك اللي تزعمه
ياكبر حظك لو حضرت العيد واليوم السعيد = لكن حظك لو بنى لك بيت بكره يهدمه
ــــــــــ
حبيب العازمي :
انته تجاهلت الرسايل عقب جاتك بالبريد = واليا دخلنا المعركه من تقدره لا ترحمه
ياكبر حظي وانت حظك قام ينقص مايزيد = واليا كحلت العين ابكحل نون عينك والطمه
تحياتي .....
« آخـــر الـــمـــشـــاركــــات »
04-Sep-2005, 02:12 AM
اول محاوره للشاعر الجماهيري / حبيب العازمي !!!
العرض الشجري