مساكم الله بالخير جميعا
هذه قصيده لااحد شعار الشيابين قديما لم احصل على اسمه قالها عندما كان يريد الزواج من احدى الفتيات ولاكن والدها رفض بحجة ان البنت لولد عمها فتحسر هذا الشاعر وقال هذه القصيده المليئة بالحكم وهي كالتالي :
يقول منهو يفهم الوقت وبخيص = للي تمنى حاجتن ماتخصه
بالك تمنى لو تمنيك برخيص = ترى التمني غصتن بعد غصه
وابعد عن الخفاش والبوم والنيص = وحبل الرجا بيدين مخلوق قصه
واطلع بنفدن مايجيه المقانيص = مجلاس طعس ولا جلوس المنصه
تراك لو تلبس خشن وتاكل الشيص = وتشرب هماج وتنسدح فالمجصه
اخير من عيشة نعيمن بتنغيص = وخل الاثر للي ابخص بقصه
ومن يقيس قبل لاينوي بغيص = سود الليالي بالمشاكل تخصه
يصير عقب العز منبوذ ورخيص = و يصبح كما الخاتم ليا طاح فصه
يقوله اللي شخص الوقت تشخيص = لو تنشده يعطي عن الوقت قصه
تحياتي ......
« آخـــر الـــمـــشـــاركــــات »
01-Sep-2005, 03:23 AM
قصيده لشاعر شيباني ( قديمه )
العرض الشجري