ياويش رجلٍ بين الثنين ساوا..............

[أبو ماجد 1]

ياويش رجـــــــــــلٍ بين الثنين ساوا=من بينهم ياصاحب العرف له صك
بعض الخلايق منوته لاتـــــــــــهاوا= في موعدٍ مقـــــــبل ولا نابني شك

[قاطع طريق]

اخوي ابو ماجد1

وش رايك في مرزام الشماغ

[أبو ماجد 1]

خوي المنتقم
مساك الله بالخير
مرزام الشماغ مالك لوى
بعض الخلايـق منوتـه لاتهـاوا......في موعدٍ مقبل ولا نابنـي شـك
انتظر المرماع القادم
تحياتي

[ابن منيف]

هلا يابوماجد


هل هو

المسيح عليه السلام


تحياتي للجميع

[أبو ماجد 1]

اخوي ابن منيف
حياك الله
المسيح ابن مريم
مالك لوى يالغالي
بعض الخلايق منوته لاتهاوى........في موعد مقبل ولا نابني شك
تحياتي

[ابن منيف]

لا هنت يابو ماجد

طيب يمكن يكون




الموت





...

[أبو ماجد 1]

اخوي ابن منيف
حياك الله
الموت مالك لوى
والرمعه الاولى اقرب ودور حول ا لقصص التي وردت في القرآن الكريم
تحياتي

[مخاوي الذيب]

السلام عليكم ورحمة الله وبركاته

أبو ماجد كيف حالك يالغالي عساك بخير

هذا سلمك الله((( ذو القرنين حينما ساوا بين الصدفين )) في قصّة يأجوج ومأجوج التي ذكرت في سورة الكهف

تحياتي

[أبو ماجد 1]

اخوي مخاوي الذيب
وعليكم السلا م ورحمة الله وبركاته
انا الحمدلله بخير ولكن افتقد تواصل الغالين مثلك عسى المانع يكون خير
الرمعه مايحتاج مادام مريت على اللغز ماشاء الله عليك لانملك الاقولة صح لسانك الله لايضرك
تقبل خالص تحياتي..

[مخاوي الذيب]

صح بدنك يابو ماجد وانت دامك بخير أنا بخير

والله يابو ماجد مايشوقنا لمنتديات الألغاز الا وجود اللي مثلك وشرواك

وليتك تعذرنا الواحد تمر عليه أوقات ينشغل فيها , ويتغانم الفرصة اللي يدخل بها المنتدى لو عشان يسلم

على الغالين اللي مثلك يابو ماجد

والعذر والسموحة

مخاوي الذيب