اول مشاركه لشلاش العتيبي ************

[شلاش العتيبي]

هذي مشاركه ارجو ان تنال اعجابكم وان كانت قديمه شوي

وكنت قد انزلتها في بعض المواقع
وانتم يابني عمي وموقعكم اولى من اي مكان

يامل قلـب(ن) صـار للهم منـزال=قامت تداحم بـه همـوم(ن) جليلـه
اتعبت له رجلي على روس الاقـذال=واتعبتهـا بمرقـا الرجـوم الطويلـه
يافهيد عطني ما يشتـت غثـا البـال=فنجال بـن(ن) يقعـد الـراس هيلـه
واد الرمه يصفق من الجـال للجـال=ماهوب دعب(ن) يدوب يدرج مسيله
من عقب اخذ له سبعت اعوام ما سال=جاك يتلاطـم ينجـر القـاع سيلـه
هات القلم وانظـم تماثيـل وامثـال=نظم(ن) يشوق اهل المعان الجزيلـه
ثم نحّـره لمعـرب الجـدّ والخـال=زيـزوم قـرم(ن) للحمـول الثقيلـه
صقر(ن) تدلى من شماريخ ما طـال=صيده من الجـلّ الجـلال الجليلـه
سقم العدا غيث الندا وقت الامحـال=من صكتـه صكـات بقعـا يجيلـه
قلّه رفيقك يشتكي بعـض الاحـوال=شاهـد مـن الايـام عوجـا وميلـه
000000000000000000=0000000000000
000000000000000000=0000000000000
احد(ن) سوات طويق يشتال ما شـال=لـو حمّلـوه طويـق جاهـم يشيلـه
واحد(ن) كما ضلع القهر فيّ وظلال=وحصن(ن) حصين(ن) فالقسا تلتجيله
واحد(ن) كريم وفالكرم مالـه امثـال=حاتـم زمانـه فالسنيـن البخيـلـه
واحد(ن) ليا جيتـه سـلام وتبهـلال=وضحك وتحفوي مار مامن حصيلـه
واحد(ن) حياته كلهـا يجمـع المـال=مـا يعرفـه غيـر الولـد والحليلـه
لاخير فاللي صرّها قـرش وريـال=لا صـار ماهـو ملتجـا(ن) للقبيلـه
ان كـان ماهـو للمواجيـب فعّـال=الله عـن الدنيـا يعـجّـل رحيـلـه