(( الزمن ))

[ناجح الشمري]

ابا انشد العراف وابي الجوابي=عساه يرشدني وانا فيه قناع
لعل في علمه كمال الحسابي=لاكدس البرهان معلوم الاوضاع
عن ماضيات ماعليهن سرابي=غدالهن مع هجعة الناس قرقاع
النور بين والنوايا زهابي=وطبع الزمن مابين شالع وشلاع
والعبد محصوله اليا طاب طابي=لاكن نوب يمة الشرق تنلاع
وماحط لمسبق هل الجود بابي=مير المهافي تندب الخلق وتذاع
الناس هم الناس ماهن غرابي=ولا حاد مذهبهم عن اوصاف الاطباع
ومن رام شي فيه عز ومطابي=يتعب على وصله بساعات الارباع
ولو ان في من يرتجي للثوابي=ميكاد عز كان في ماقفه شاع
لاشك شوف الدور من حيث اصابي=الناس يجمعهم عوايد ومنصاع
كل على سلمه يحث الركابي=من شان ربعه ماتزعزعه الافجاع
ولا قال ليه بالملازي محابي=ترفعه عادات لها منهج اتباع
هذي سنين الدور فيها العجابي=من كل مالا يجهله كل رماع